A vida dun grupo de mozos e mozas que estudan na escola de Hostalería e as súas relacións con pais e profesores son os temas de Avenida de América, que foi a primeira serie producida integramente pola Televisión de Galicia.

Neste marco a ficción amosa os soños, amizades e amores, cobizas e fracasos, así como outra serie de sentimentos que envolven a vida deste grupo de estudantes.

A serie está dirixida polo realizador da TVG Gonzalo Pintos e foi gravada nas instalacións da Facultade de Xornalismo de Santiago.