CRTVG

Gustaríame denunciar publicamente a presenza omnipresente da lingua castelá no programa 15-zona. É inconcibible que as intervencións dos gardas civís castelán-parlantes (que son a gran maioría) non sexan traducidas ao galego. Se temos en conta que máis da metade da Garda Civil se expresa en castelán, o resultado é un programa documental no que o español ten maior presenza que o galego. Traducir ditas intervencións con voces superpostas (como vén facendo a ETB nestes casos) ou mesmo engadir subtítulos, serían dúas solucións para que a audiencia non tivese a impresión de estar vendo unha canle estatal e, sobre todo, para que o galego teña o lugar que se merece na súa terra.