CRTVG

Cherna con cogomelos e tomiño á pementa

Alfonso Sucasas / Javier Olleros

Sada

O programa "A Revista" descubrirá este venres a riqueza arqueolóxica de Allariz de man de tres arqueólogos que queren revolucionar o patrimonio de Ourense e que ofrecen rutas onde se mestura a lenda e a historia.

Como é habitual, o espazo da Televisión de Galicia meterase hoxe entre fogóns, neste caso os do restaurante Casa do Cura, na Coruña, para preparar capricho da monxa e raxo con champiñóns e queixo de Arzúa.

Almorzo

Coches de ocasión

Quen sería? (Cap. 267)

Daisy

A escola do medo (Cap. 130)

O programa encontrarase con Jorge, o neno coruñés que sofre parálise e cerebral e que, despois dunha campaña solidaria apoiada por distintas institucións, pode gozar dun andador que lle facilita máis autonomía e unha vida mellor. Os espectadores poderán saber como cambiou a súa vida e a da súa familia desde que o conseguiron.

Por outro lado, "A Revista da Tarde" recibirá a visita no estudio de alumnos do colexio Progreso de Catoira, que veñen de proclamarse campións da final do Rally Matemático que se celebrou en Toulousse, nas categorías de 2º e 3º da ESO.

Ademais, o espazo presentado por Quique Morales ofrecerá unha reportaxe sobre a décimo quinta edición de Expomar, a Feira Monográfica Náutico Pesqueira, que ten lugar en Burela durante estes días. Nos máis de 100 postos do recinto, decenas de empresas e varias institucións amosan e comercializan os distintos avances tecnolóxicos aplicados ao mundo da pesca.

(desconexións)

Os espectadores da Televisión de Galicia teñen unha cita co programa "Luar", desde onde lles ofrecerán unha nova velada de música e humor. Ademais dos artistas, hoxe, Xosé Ramón Gayoso e Sonia López estarán acompañados de doutores que lles falarán de saúde.

Unha das actuacións que lles ofrecerá esta noite "Luar" será a de Angy, unha artista moi nova pero que leva unha carreira imparable desde que participou no programa "Factor X", polo seu papel na serie "Física y Química" e por ser a gañadora de "Tu cara me suena". Despois de todo este periplo de participación en distintos programas de televisión vén a Galicia presentar o seu disco "Drama Queen", que foi gravado en Glasgow.

Aínda que o verán aínda non chegou, "Luar" anticiparase hoxe a darlle a benvida con música da man dun dos "artistas do verán": Georgie Dann. Noite tamén decisiva para os concursantes de "Recantos" que se enfrontarán a última votación do público, a partir de hoxe quedarán só oito dos participantes.

Por último, a edición de hoxe completarase con outras actuacións como a de Xil Ríos, Agrupación Folclórica Buxaina, orquestra Charleston Big Band, Agrupación Folclórica A Buxaina, a maxia de Luís de Matos e o humor de Campos e Crespo, Cada Día Peor e Os Sete Magníficos Máis Un.

A estraña que hai en ti

("The brave one")



Dirección: Neil Jordan
Intérpretes: Jodie Foster, Terrence Howard, Naveen Andrews, Nicky Katt, Mary Steenburgen, Ene Oloja, Luis da Silva Jr., Blaze Foster,
EUA, 2007, 114", Acción-Thriller (18)



** SINOPSE **

Unha locutora de radio de Nova York, Erica Bain, está encantada coa súa vida e adora o seu noivo. Pero perde todo cando nun ataque brutal ela queda malferida e o seu noivo morre. Erica non pode superar a traxedia e comeza a andar polas rúas da cidade na procura dos delincuentes que os atacaron. O seu xeito de buscar chama a atención da xente e a cidade queda fascinada polas súas proezas anónimas. Cando a policía de Nova York comeza a buscar o autor deses actos e un detective obstinado está tras os seus pasos, Erica debe decidir se a procura da vinganza é o camiño correcto ou se ela se está a converter no mesmo que quere combater.



**COMENTARIO**

Existen certas similitudes entre "A estraña que hai en ti" e aquelas películas que, especialmente nas décadas dos 70 e dos 80, amosaban a un individuo que se tomaba a xustiza pola súa man. Con todo, é obvio que esta obra de Neil Jordan busca unha maior transcendencia ca aquelas. Na película destaca especialmente o labor excepcional das súas dúas estrelas principais. Jodie Foster métese de cheo no seu personaxe, transmitindo á perfección as distintas etapas que atravesa ao longo da narración. A interpretación de Terrence Howard é dunha naturalidade pasmosa, boa proba de que nos atopamos ante un actor brillante que ten unha carreira magnífica por diante.

Lonxe de aquí

Daisy

(rep.)