CRTVG

Salto mortal

Dicionario de fraseoloxía galega (2)

Altamente perigoso

Parque nacional dos glaciares

Un paraíso terreal

(desconexións)

Un parque de investigación da enerxía eficiente

Unha viaxe con bo sabor

A Televisión de Galicia ofrecerá esta tarde unha nova edición de "Fóra da Casa", un espazo sobre a realidade da familia a partir de situacións en que un dos membros ten que traballar lonxe do fogar.
Os protagonistas do programa deste sábado serán dous dos restauradores máis destacados da cociña galega, Beatriz Sotelo e Pepe Solla, cuxo prestixio fai que sexan reclamados en moitos lugares de España para facer demostracións, impartir conferencias ou dar cursos, o que os obriga a pasar moito tempo fóra da casa, coa problemática que iso supón para as súas familias. Esta vez os dous van participar no evento gastronómico Madrid Fusión.

Deste xeito, os espectadores coñecerán hoxe a familia García Sotelo, composta por Beatriz, o seu home, Braulio, que é profesor na Escola de Hostalería de Santiago, e o pequeno Braulio, de 22 meses. Como o home de Beatriz tamén traballa, son os avós os que se encargan do neno. A cociñeira, que viaxa a Madrid para realizar un "showcooking", destaca que o máis difícil de viaxar é ter que separarse do seu fillo.

Pola súa parte, a familia González Solla-Piñeiro complétase coa muller de Pepe, Lourdes, que traballa con el como xefa de sala, e os seus fillos, Manuela, de sete anos, e Clemente, de cinco. As viaxes de Pepe Solla véñenlle moi ben para estar con outros colegas e contrastar opinións e fórmulas de traballo, pero durante ese tempo a vida de Lourdes cambia, xa que pasa a ter que facerse cargo das compras e traballar de tarde no restaurante, cousa que non fai a diario para poder atender os nenos.

John Wayne e os cowboys

O programa "Reporteiros" comezará a edición deste serán emitindo unha reportaxe sobre o traballo e compartindo unha xornada cos avogados en quenda de oficio. Segundo a Constitución, todos temos o dereito a ser asistidos por un avogado en calquera circunstancia. En Galicia son case 5.000 os profesionais que realizan este traballo voluntario e mal pagado, pero o común en todos estes profesionais é que teñen unha ampla sensibilidade social.

A segunda reportaxe, falará do que está considerado o maior experimento científico da historia da humanidade. Hai pouco mais dun ano descubríase o bosón de Higgs, a partícula responsable de darlle masa ao Universo. O gran acelerador de partículas, construído a cen metros baixo terra entre a fronteira de Francia e Suíza, afronta agora unha parada técnica de dous anos, a primeira desde a súa construción. Cando volva funcionar en 2015, o acelerador duplicará a súa potencia, un paso decisivo para seguir esculcando as orixes do Universo.

Para completar a edición de hoxe, "Reporteiros" preséntalles unha web galega de recente creación como é a de artesáns da mariña lucense que queren que o mundo enteiro poida ver os seus traballos. Redeiras, ferreiros, carpinteiros, ceramistas e xoieiros únense para mostrar os seus oficios artesáns con moita alma.

Capuletos vs Montescos / O avestruz / O bebé

O espazo "Era Visto!", inspirado en historias e personaxes do universo rural galego, seguirá hoxe coa súa proposta de humor costumista, un xeito diferente de ofrecerlle ao gran público unha comedia familiar alternativa á ficción tradicional, en que destacan as conversas de Moncho (Federico Pérez), un pai de familia que intenta afacerse aos cambios da sociedade, coa súa contorna.

No capítulo desta noite, Ramona, a rapaza transilvana que vive en Lameiro, colle mozo, pero o problema é que o rapaz é de Choupana. No seguinte sketch, a Anselmo tócalle unha avestruz nunha rifa e Moncho e a súa familia vanse encariñar co animal.

Na última historia do "Era Visto!" desta semana, Moncho e Elvira teñen que coidar durante uns días dun bebé. Moncho non quere saber nada do neno, pero o bebé vaille coller moito cariño.

O programa "Bamboleo" ofreceralles hoxe aos espectadores da Televisión de Galicia unha nova velada de espectáculo e entretemento familiar, coa música da banda canaria Efecto Pasillo, unha formación que convida a cantar, a xogar e a soñar. O grupo interpretará temas do seu segundo disco, "El misterioso caso de...", onde se inclúe a arquicoñecida "Pan y mantequilla", unha canción fresca e divertida que leva o acento e o bo facer en directo destes catro canarios a todos os recunchos.

O musical presentado por Xosé Manuel Piñeiro tamén contará este sábado coa actuación da vocalista galega Loli Nogueira, unha voz prodixiosa que rememora as divas do jazz. Aínda que se deu a coñecer para o gran público nun talent show televisivo, leva unha traxectoria musical de máis dunha década ás súas costas. Ademais, o programa contará durante toda a noite coa amenización da orquestra Canadá.

Esta nova edición de "Bamboleo" ofrecerá tamén as seccións habituais do programa, entre as que destacan "Agora ou nunca", onde medirán as súas voces María Fervenza, co tema "El sol no regresa", de La Quinta Estación; e William Barbosa, que cantará "Si no te hubieras ido", de Maná.

En "Canción de amor", Manola e Paco, de Oleiros, contarán a súa historia sentimental; mentres que en "Faino ti", a parella formada por Isabel e Jorge, de Crecente, intercambiará as tarefas domésticas. Ademais, en "A ITV do amor", o público terá que adiviñar cal é a verdadeira parella dunha persoa a partir de certas probas infalibles; e parellas de distintas xeracións bailarán na sección "Dirtidansi".

Asasinato na Casa Branca

Na cidade branca