CRTVG

Pelexa feroz

Peitugas de polo con salsa de brandy e améndoas

Conflitos amorosos

Con hipoteca, pero sen casa

Dicionario de apelidos galegos

Salto mortal

Neste mércores de cinza, que marca o final do Entroido e o comezo da época de Coresma, o programa "A Solaina" asistirá en directo en Viveiro ao velorio e ao agardado Enterro da Sardiña, un dos pratos fortes do Entroido viveirense, ao que acudirán as tradicionais choronas, as autoridades eclesiásticas, militares e civís, que acompañarán a defunta con música de charangas.

Xa no estudio de gravación, o espazo da TVG despedirá o Entroido recibindo a "Os Conformistas de Conxo", unha das comparsas máis antigas da cidade de Santiago, que cada ano por estas datas anima as rúas cos seus bailes e as súas irónicas chirigotas.

Por outro lado, os presentadores de "A Solaina", Beatriz Manjón e Sevi Martínez, conversarán co mestre gaiteiro moañés Xavier Blanco, quen explica no libro "O Gaiteiro Verde" a evolución da música tradicional partindo dos instrumentos confeccionados directamente con elementos extraídos da natureza, os primeiros empregados por estes artistas. Blanco explicará a evolución pola que pasaron os gaiteiros ata chegar á fase de formación permanente e amosará algunhas mostras dos máis de 600 instrumentos naturais que reuniu ao longo da súa vida.

A actuación da parella de baile formada por Manuel Trillo e Anastasia Zhitova e do cantante Pablo Nash completan as propostas do programa para esta tarde.

O asasinato no parque Schonbrunn

Olympique Marsella - Inter de Milán

A "Zona Champions" da TVG abrirase ás 20.30 horas para ofrecer desde o estadio Velódromo de Marsella, coa narración de Gustavo Varela, un choque en que o equipo marsellés, da man de Deschamps, sae dunha boa serie de vitorias na liga para enfrontarse ao Inter de Milán de Ranieri, que entrou nunha crise de xogo e resultados pero que non perde a ambición de pasar a cuartos de final da Champions. O Olympique quedou segundo no grupo F, detrás do Arsenal, namentres que o Inter foi primeiro do grupo B, por diante do CSKA Moscova.

Ao final do partido, que estará comentado amais por Luís Timiraos e polo técnico Fernando Vázquez, a TVG ofrecerá un amplo resumo do outro encontro da xornada, o Basilea Bayern de Múnic. Xa na tvG2, ás 23.15 horas, poderemos ver o resumo de toda a xornada.

Froxán - Silvarredonda

Para dar a coñecer pequenos lugares de Galicia que son "Grandes lugares" porque agochan tesouros de cada día, grazas á súa xente, costumes, iniciativas e usos sociais, o programa intérnase hoxe por dúas poboacións galegas con moito para contar, como son Froxán (Lugo), moi preto do Courel, onde a xente non foxe á cidade, e Silvarredonda (A Coruña), onde están orgullosos de vivir "nun bendito atraso".

A través dun percorrido polos seus habitantes, costumes e peculiaridades, en Froxán o programa presta atención ao seu modo de vida, ás súas orixinais iniciativas, aos aspectos menos coñecidos do seu día a día e tamén ás historias máis persoais, como o caso do restaurador que volve da cidade para seguir o ritmo da natureza; o matrimonio cun fillo na busca dun novo destino na casa rural ou o artesán que realiza os seus soños de artista nunha casa que foi sequeiro.

Os protagonistas do pequeno lugar de Silvarredonda relatan as súas vivencias e vida social máis representativa, desde espazos que transmiten un sentimento de pertenza, de familia e de benestar no rural, desde os favores do santo da chuvia; o sentido do deber ben feito dunha labrega orgullosa; a raíña das empanadas e a fin de semana en que os rapaces regresan á casa para axudar os maiores.

Un mapa de situación indicará ao inicio de cada programa os lugares elixidos, reforzando coa súa imaxe, e cada personaxe levará unha ficha de presentación explicando a súa relación coa contorna; así, os habitantes do lugar convértense en narradores para facer un retrato o máis fiel posible de cada localidade, da súa vida e da súa xente.

Vivir o cocido

Celíacos

Partindo da realidade de que entre 25.000 e 30.000 galegos se identifican como celíacos, é dicir, intolerantes ao glute, a pesar de que só algo máis de 2000 están debidamente diagnosticados, o programa de debate social analizará cal é a situación destas persoas que sofren graves trastornos intestinais, que lles impiden levar unha vida normal.

O programa divulgativo, que presenta Victoria Rodríguez coa dirección de Francisco Rodil, intentará coñecer máis desta enfermidade relativamente nova e descoñecida chamada celiaquía, da que tampouco se saben exactamente as causas que a orixinan, contando como convidados con Isabel Capdevila, directora da asociación de Celíacos de Galicia (ACEGA); Lidia Monasterio Corral, pediatra da unidade de gastroenteroloxía, hepatoloxía e nutrición do CHUS, e Maica Pais, nai dun neno celíaco.

Salto mortal (Cap. 30)

(rep.)