A Ribeira Sacra está experimentando unha morea de cambios desde que se converteu nun destino turístico preferente en Galicia. Moitas son as persoas que descobren por vez primeira as fermosas paisaxes que rodean os ríos Miño e Sil ao seu paso polas provincias de Lugo e Ourense. E moitas outras, que naceron neses territorios e por diversas circunstancias tiveron que marchar, están decidindo voltar. É o caso do pintor e escultor Modesto Trigo, que escolleu a súa aldea natal de Gundivós, en Sober, para instalar un museo dedicado a súa obra e tamén a súa nai.