“Cuestións Persoais” viaxa ata Vilalba para coñecer o caso de Verónica, unha peiteadora, nai de dous fillos, á que lle faltan horas do día para atender negocio e familia.

A coach Nelly Rey atopa unha muller frustrada, incapaz de conciliar a súa vida familiar e laboral e a piques de perder os nervios. Ao longo do programa, vemos se Verónica é quen de aplicar as claves necesarias para prosperar profesionalmente e ser a nai que quere ser.