A edición deste domingo é unha das máis variadas de “Que Casas!”, pois nela amosarase un auténtico universo de contrastes. Nesta ruta, os espectadores poderán ver desde un pazo memorable a unha pequena casa de aldea e ambos os dous locen exactamente como o farían hai un século. Entre os anfitrións estará o deseñador de moda Óscar Abadés, e os destinos visitados serán Santiago de Compostela, Gondomar, Negreira e Vilagarcía.