Neste 'Comisión de festas' imos desprazarnos ata a parroquia de Cesantes, en Redondela, un lugar precioso cunhas vistas espectaculares á ría de Vigo.

Aquí imos descubrir a historia dunha pequena festa que se fixo grande grazas ao labor de doce mulleres. Elas son as 'apóstolas' do San Pedro de Cesantes, que loitaron contra vento e marea para conseguir encher o campo da festa por unha vez na vida. E xa van pola segunda!