CRTVG

Buscar

Zigzag Diario

David Barro, Julio Rivera e 'Nós+outras en Rede'

28/03/2017 21:00 h

O crítico e comisario de arte David Barrro acode ao Zigzag para falar dunha nova institución cultural en Santiago de Compostela, a Fundación Didac, Dardo Instituto do Deseño e das Artes Contemporáneas. Un proxecto que arrancou coa mostra “Specchio Paulo Reis”, que rende homenaxe ao crítico brasileiro Paulo Reis, xa falecido e que fora cofundador xunto a Barro da revista DARDOmagazine. 

O programa cultural da tvG2, tamén recorda o pintor ourensán Julio Rivera logo de que Confederación Empresarial de Ourense  lle dedicase unha mostra antolóxica. Creador emblemático dos 80, o artista morreu prematuramente aos 30 anos. O seu traballo é mostra dun potente movemento artístico ourensán, ensombrecido na época por tendencias como a Movida, que se vivía en cidades como Madrid ou Vigo. 

O “ZigZag Diario”, dedicado nesta ocasión á creación artística, tamén se ocupa da mostra “Nós+outras en Rede”, que inclúe propostas que se exhiben en Lugo en catro museos e que amosan a problemática de xénero, con distintas linguaxes e puntos de vista. 

Zigzag tamén repasa a traxectoria de Víctor Freixanes, elixido presidente da Real Academia Galega, e comenta a programación do ciclo sobre o cineasta canadiano Dominic Gagnon, no CGAI.

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: