CRTVG

Buscar

Vivan as tardes!

Programa 114

23/04/2018 17:30 h

Evangelina é unha veciña de Valdoviño que para os seus 88 anos está coma de 30. Traballou moito na vida: de lavandeira, de percebeira e na casa. Agora, xa retirada da vida laboral, ten máis tempo para compoñer as súas coplas, que memoriza enteiras, e, sobre todo, para compartir as tardes charlando coas veciñas na marquesiña da aldea, á que chaman xa “O Parlamento”. 

Roberto traballa desde 2004 como bombeiro. Desde a súa xuventude tivo claro a que se quería dedicar. Tivo outra vocación que naceu con el e que desenvolveu ata rematar o colexio. Rober, con tres e catro anos, contaba contos e cantaba as cancións que saían na televisión. O corredor da casa, as ceas e comidas dos pais e a tenda que a nai tiña eran os escenarios onde “Robiño” facía rir a xente. Recuperou a afección con case 30 anos, cando un impulso o subiu de novo a un escenario. Hoxe en día, traballa de luns a venres coma bombeiro, e as fines de semana fai quilómetros por España adiante contando o seu espectáculo de monólogos.

Victoria mudouse ao rural desde o seu Vigo natal aos 22 anos. Alí a forma de vida era a autosuficiencia e ela decidiu formarse como tecedora para confeccionar as súas propias pezas. Fíxose profesora e comezou a dar clases no rural. Alí coñeceu a Irene, unha muller que confeccionara liño dende nena. Xunto a outras mulleres, sementaron e teceron liño durante anos de xeito tradicional. 

E Mili é unha desas mulleres con garra. Naceu en Suíza, pero sendo ben pequeniña marchou coa súa nai a Venezuela. Cantareira dende cativa, cando volveu a Galicia comezou no mundo da verbena, en que estivo durante 30 anos. Recentemente decidiu baixarse dos escenarios e vén ao programa a facer un repaso da súa traxectoria musical. 

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: