CRTVG

Buscar

O gato con botas

Jorge Vázquez

09/01/2018 23:45 h

“O Gato con Botas” desprázase ata Betanzos para pasar o día cun home amante da beleza e do bo gusto: o deseñador Jorge Vázquez. Criarse entre fíos no taller da súa nai fixo que sentise desde ben cedo unha especial querenza polo mundo da moda. Tivo que loitar contra a oposición dos seus pais, que nun principio non apoiaban o seu desexo de dedicarse ao deseño. O seu particular estilo non pasou desapercibido cando estudaba deseño na Coruña e ben noviño xa fichou por Inditex, a súa primeira experiencia no mundo laboral.
Ao rematar na Escola de Deseño na Coruña, dá o salto aos EUA, onde continuará a súa formación, para logo regresar a España e desenvolver a súa carreira profesional en diferentes firmas nacionais ata que abre o seu propio selo. Pret-a-porter para a muller, colección de noivas e comuñón e deseño a medida son os principais eixes da firma do betanceiro. 
Amante da familia, non perde nunca o contacto coa súa vila natal, Betanzos, onde acode sempre que pode, tanto por lecer coma co seu equipo para traballar nas coleccións. 

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: