CRTVG

Buscar

Luar

Milladoiro, Los 6 Tenores, Dominic Graham School of Irish Dance e final de Recantos

21/07/2017 22:00 h

O programa conta coa presenza no escenario do histórico grupo Milladoiro, unha das bandas de música celta máis valoradas internacionalmente, que leva realizando durante 35 anos un longo e incansable labor de recuperación e reivindicación da música tradicional galega.

O espazo presentado por Xosé Ramón Gayoso tamén recibeeste venres a visita de Los 6 Tenores, unha formación sen ánimo de lucro composta por seis voces solidarias, seis novos tenores con formación musical lírica, cuxa ilusión é continuar coa súa formación vocal, levar a música a aqueles que máis o precisan e facer deste proxecto unha vía para crear entretemento e paixón.

A Banda de Música de Ortigueira, unha formación con 150 anos de historia, a cantante e compositora Mari Pepa de Chamberí, a orquestra Tamarindo, o grupo Tahúme e a Dominic Graham School of Irish Dance completan o cartel de actuacións musicais desta noite.

Ademais, chega un dos momentos máis agardados da temporada do programa: a gran final do concurso “Recantos”, que disputan Ruth Cundíns, representante da comarca Terras de Compostela, que canta “Por ti voarei”, e Antonio Barros, procedente de Vigo, que interpreta “Miña terra galega”. 

 

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: