CRTVG

Buscar

Luar

Los Vivancos, Rosa Cedrón, Igloo e El Regreso de la Década

12/01/2018 22:00 h

A cantante, violonchelista e compositora monfortina Rosa Cedrón volve a Luar cun segundo disco: “Nada que perder”.

Tamén pasan polo programa Los Vivancos, compañía formada por sete irmáns e considerada o fenómeno escénico-musical dos últimos anos. Os seus espectáculos foron representados nos principais teatros do mundo e o recoñecemento ao seu labor viuse avalado non só pola crítica e o éxito das súas xiras, senón tamén polos numerosos premios recibidos.

Ademais, no escenario están a banda galega Igloo, con 12 anos de traxectoria e 6 discos ás súas, costas, recoñecida como un dos referentes do indie nacional, que acaba de presentar o seu novo disco, “Aquellos maravillosos daños”; e Máis Boas cás Patacas, grupo formado por sete alumnas do IES Cacheiras, que co tema “Son muller”, gañador do certame da Deputación da Coruña “Quero Cantar”, reivindican os dereitos e a igualdade para as mulleres.

Pero isto non é todo, xa que “Luar” ofrece as actuacións de El Regreso de la Década, que recolle o mellor da música española desde os anos 60 ata os 70; da orquestra La Fórmula; da A.C. Seixebra de Moraña, que ten como obxectivo revivir a cultura e a tradición galega, e a A.C. Amado Lar, que se preocupa por recuperar as tradicións propias da cultura popular galega, en especial as pertencentes á zona do Valadouro.

Tamén hai representación da música asturiana, coa banda Gaiteros del Carbón, que pretende defender a minería desde a música, e a cantante Marisa Valle; e portuguesa, coa presenza do grupo de Viana do Castelo Sons do Minho, formado por oito mozos que basean a súa proposta artística nun repertorio de temas orixinais de cariz tradicional e popular.

No tempo do concurso “Recantos”, é a quenda de Lucía Aral, procedente de Ourense Sur, e Leshka, representante da comarca Terras de Lugo.

 

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: