CRTVG

Buscar

En Feminino Singular

Industria: Esperanza Massó, Carmen Lence, Cristina Fernández-Armesto e Sonia Barreras

03/07/2021 10:00 h

Neste programa, dedicado á Industria, viaxamos ata a segunda metade do século XIX para coñecer a Esperanza Massó. Unha muller decisiva na historia do sector industrial galego. Foi unha das creadoras do primeiro estaleiro privado en España, coñecido hoxe como Hijos de J. Barreras, en Vigo.

De volta ao presente, coñecemos a tres mulleres que comparten coa nosa protagonista histórica a súa paixón e dedicación á industria galega. Carmen Lence é a Conselleira Delegada do Grupo Leche Río. En 2019 colle as rendas da empresa familiar cando falece o seu pai e ela vive en Boston xunto ao seu marido e dous fillos. Carmen foi educada dende nena para o futuro empresarial, pero ela decidiu antes formarse e traballar en diferentes países para ser a mellor líder posible. Agora en Galicia ten como principal obxectivo levar á empresa familiar ao máis alto.

Por outra banda, coñecemos a Cristina Fernández-Armesto, que como Carmen, deu un xiro á súa vida para continuar o soño dos seus avós: Casa Grande de Xanceda. Deixou o seu traballo nunha multinacional en Madrid para reinventar a granxa creada pola súa familia nos anos 60. Conseguiu as certificacións ecolóxicas e converteuna nunha empresa líder en produtos lácteos ecolóxicos.

E por último, coñecemos a Sonia Barreras, Xefa de Aceiros dos Estaleiros Freire, en Vigo. Un posto de responsabilidade, nun gremio maioritariamente masculino, que defende con valía. É unha das poucas mulleres que traballan en estaleiros en Galicia. Máis de dúas décadas dedicadas á nosa industria e nai de familia numerosa. Historias de mulleres valentes, que toman as súas propias decisións, sen perder a esencia das súas orixes.

Atopar capítulo por: