CRTVG

Buscar

Bamboleo

Con Pasión Vega e Gabriel Estrada

14/10/2017 22:00 h

“Bamboleo” recibe a visita de Pasión Vega. A cantante malagueña presenta o seu novo disco, “40 quilates”, o seu oitavo traballo de estudio, unha proposta ecléctica e elegante, en que se reflicte a madurez e a experiencia adquirida tras máis de 20 anos de exitosa carreira musical.

O programa tamén conta coa presenza no escenario do compositor pontevedrés Gabriel Estrada, cunha formación musical moi influenciada polo seu paso por distintas agrupacións tradicionais. Co seu proxecto musical Plan Siberia, foi o gañador do concurso da canción do verán da CRTVG.

Ademais, actúan a orquestra La Favorita e Los Duques de Monterrey, unha banda de Vigo que interpreta corridos mexicanos con temas sobre amores perros, ausencias e historias de narcos nunca homenaxe aberta á sonoridade mexicana.

A sección “Agora ou Nunca” amosa o potencial artístico de Irene Ruíz, co tema “No quiero nada sin ti”, de Tamara; e de Diego Peralta, que interpreta “Carolina”, de M Clan. “Déixate de Juasá” anima a Diego, Iván e Roberto a deixarse de tanto trebello tecnolóxico e dicirse as cousas á cara; Manolo e Mercedes compiten cantando con karaoke en “A Jrileira”, co tema “Todos me miran”, de Gloria Trevi, e parellas de distintas xeracións baila na sección “Dirtidansi”, nesta ocasión os estilos jive e valse.

 

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: