CRTVG

Buscar

Aquí Galicia

Feiras da Primavera do Páramo 2018

09/06/2018 16:30 h

O “Aquí Galicia” deste sábado terá lugar no concello lucense do Páramo, onde se celebra a 42ª edición das Feiras da Primavera.
Entre as propostas musicais que amenizan o programa, figuran Xabier Díaz, que está triunfando xunto ás Adufeiras de Salitre; Verónica Cambón, que participou no concurso “Recantos” do “Luar”; a orquestra Capricho e a  academia de baile Star Dance.
O equipo de reporteiros e reporteiras lévanos a lugares como o pazo de Neira, o pazo de Camba, as torres de Mariscal e Barrera e as igrexas de Froilfe ou Gondrome, ademais de facernos un percorrido polas riquezas naturais da comarca, cos seus ríos e carballeiras centenarias.
Durante o programa, coñecemos diversas historias da vila, como a de Mari Carmen, que nos conta como é o día a día dunha carteira de Correos no rural; ou a de Blas Piñar, un dos artesáns máis recoñecidos da contorna, posto que realiza lámpadas empregando cabazas e outros elementos da natureza.
O programa tamén se centra no mundo da gandaría, un dos sectores máis importantes no concello do Páramo, así como nas últimas novidades en maquinaria agrícola, dotadas da máis avanzada tecnoloxía. No eido da gastronomía, as anguías son o prato principal, xa que é a comida máis representativa da vila lucense.

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: