O axente Salgado chega a Portugal para investigar a morte de Elixio en colaboración cos seus homólogos portugueses. O primerio que fai é rastrexar o cuarto do Motel Valkirias no que se hospedou a vítima, pero non atopa nada porque Carolina borrou as pegadas do delito. Tras unha liorta co seu extorsionador, Eva acaba na comisaría e alí descobre que Salgado vai rexistrar o motel en busca do famoso camión. As mulleres teñen que buscar a maneira de sacar o vehículo do motel antes de que chegue a policía.