Lucía e Eva enterran o cadáver de Elixio mentres Carolina se desfai das probas do delito. Carolina sabe que Elixio transportaba algo moi valioso e Lucía decide buscar a mercadoría pola vila. Despois de varios intentos, Lucía descobre cal era o verdadeiro e sorprendente botín de Elixio.

Ao mesmo tempo, Luís Castro decátase de que a peza clave da operación de branqueo, un camión, desapareceu, e que o condutor, Elixio, morreu. Baixo as ordes de Marcelo Mendonça, Castro empéñase en atopar o camión e descubrir quen matou a Elixio, antes de que Severo, o seu xefe, saiba o que sucedeu.