O programa botará a andar esta noite pasando un día na vida do actor Pedro Alonso, especialmente lembrado pola audiencia galega pola súa etapa como párroco titular na serie “Padre Casares”. O espazo da TVG acompañarao na súa vida diaria en Madrid e tamén na súa casa familiar de Soutelo de Montes.

“Toc toc, con permiso” tamén se introducirá hoxe na vida da cantante Lucía Pérez, a primeira galega en representar a España no Festival de Eurovisión. O programa desprazarase a Oviedo, onde reside actualmente, e saberá como é o seu día a día na capital asturiana.