As nosas cidades nunca descansan, sempre están en movemento! Cheas de vida, de historias, de ritmo, de momentos, de xente. Hoxe en Latexos da Cidade imos andar na fariña.

Visitaremos a cidade de Pontevedra para coñecer de primeira man como é o oficio de panadeiro. E non dun calquera! En Vigo, tamén aprenderemos oficios, neste caso os de camareiro e de cociñeiro nunha escola de hostalería. Cousa nada doada!

E na Coruña coñeceremos unha sociedade deportiva que ten de todo, incluídos cabalos! E remataremos en Ourense, cun equipo de fútbol moi especial cunhas xogadoras moi especiais!