CRTVG

Buscar

Zigzag Diario

Iria Collazo, Dolores Redondo, Paco Martín e Siniestro Total

26/12/2016 21:00 h

Marta Gómez entrevista a Iria Collazo, promotora de eventos culturais, profesora no IES de Moaña e autora de “A soidade das medusas”, o seu último traballo, que edita Galaxia.

Zigzag ofrece unha reportaxe sobre o último libro de Dolores Redondo. “Todo esto te daré”, co que gañou o premio Planeta. A autora está estes días a presentar por terras galegas esta novela, que, ademais, está ambientada na Ribeira Sacra.

O programa tamén conversa con Paco Martín, autor do libro “De paraugas”, unha serie de relatos curtos cheos de humor e fantasía arredor do familiar instrumento que nos gorece da chuvia.

O programa inclúe unha retrospectiva dos trinta e cinco anos do grupo Siniestro Total e outra reportaxe sobre a actual xira que o gaiteiro Carlos Núñez está a realizar por Galicia e España, vinte anos despois da publicación do seu primeiro álbum “A Irmandade das estrelas”.

 

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: