No programa de hoxe acudiremos a Santiago de Compostela, Betanzos e Pontevedra. En Santiago visitamos o café do Parador dos Reis Católicos, onde falaremos con Miguel Cancio, sociólogo e cliente; con Pablo Rodríguez, camareiro; e con Anxo Rodríguez, historiador. A música correrá a cargo do grupo En casa del herrero que interpreta o tema 'The Rodeway Inn Song'.

En Betanzos, no café Versalles, intervirán Angel Arcay, historiador; Sara López, clienta; e Francisco García, propietario. O grupo Lesuiteband interpreta os temas 'Set fire to the rain' e 'Valerie'.

No café Moderno, en Pontevedra, intervirán Gloria Rodríguez, coordinadora de Afundación; Ángel Sorey, xerente do café; e Pedro de Lorenzo y Macías, escritor. Pecha o programa o grupo Le Barluthier co tema 'Nothing’s too good for my baby'.