CRTVG

Buscar

Fogos do Apóstolo

Fogos do Apóstolo 2017

24/07/2017 22:00 h

A TVG retransmite os tradicionais Fogos do Apóstolo do 24 de xullo neste programa en directo, presentado por Cristina García e Fernando R. Madriñán, desde a Praza do Obradoiro en Compostela. O especial recolle o ambiente na praza e fai conexións con distintos puntos da cidade, como o Hostal dos Reis Católicos, onde se celebra a tradicional cea dos fogos. Ademais, ofrece entrevistas con famosos galegos e representantes da Asociación de Hostalería de Santiago, que dan datos sobre a afluencia de visitantes ás festas.

Tamén inclúe reportaxes sobre a historia da celebración, as persoas que peregrinan a Santiago, o traballo dos guías turísticos, a marcha das obras da catedral e sobre outros lugares especiais de Compostela.

Todo isto serve de aperitivo para o momento cumio da noite, a retransmisión dos fogos, que este ano combinaron carga pirotécnica e un espectáculo audiovisual que fixo un percorrido histórico da festa nos séculos XVI, XVII e XVIII.

 

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: