Neste ‘Comisión de Festas’ volvemos á costa, concretamente á de Lorbé, na ría de Betanzos, lugar que presume de ter os mellores mexillóns do mundo! Aquí o mar é vida, traballo e festa, por iso a comisión está formada en boa parte por xente da confraría de pescadores, que preparan con moito agarimo a festa da súa patroa: o Carme de Lorbé. Esta é unha celebración de varios días en que a verbena, as procesións e a gastronomía van da man. Veremos se dan feito ou teñen que rematar encomendándose á Virxe do Carme.