CRTVG

Buscar

Zigzag-Eirado

Entrevista a Xosé Antonio Perozo

26/03/2017 01:00 h

“ZigZag Eirado” convida ao estudio ao escritor e editor Xosé Antonio Perozo que acaba de asumir a presidencia da Organización Española para o Libro Infantil e Xuvenil, a entidade que aglutina a todos os actores do mundo da literatura infantil en España, con seccións específicas para cada unha das catro linguas oficiais no estado. 
Ademais, o pintor e escultor Diego de Giráldez, un dos artistas máis influentes das artes plásticas galegas contemporáneas, abre as portas do seu estudio e casa museo en que expón moitas das obras realizadas durante catro décadas dedicadas á creación artística.
Na sección de cine, Moncho Lemos e Ángel Suanzes comentan a estrea da película “Una vez fuimos salvajes” da cineasta Carmen Bellas no Festival Internacional Play Doc de Tui. Tamén analizan outras dúas películas en carteleira, “Locas de alegría” e “El fundador”. 
Marta Gómez trae ao programa a música do ourensán Emilio José, que ofrece os temas do seu último disco “Nativos Dixitais” de balde en Internet; a da banda coruñesa Elvis Negro, e a do grupo folk Samarúas.

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: