Zigzag Diario
Entrevista a Rosendo Cid e visita á exposición de colaxe na Fundación Laxeiro de Vigo
26/02/2013
Rosendo Cid fala da súa exposición “Mentres tanto a liña do obxecto”, que se pode ver na Fundación Granell. Trátase dunha serie de fotografías e debuxos que revelan o seu interese polos obxectos e artefactos, cunha pezas metafóricas en que a ironía resulta un piar fundamental.
Na Fundación Laxeiro de Vigo, a mostra “Mesa de traballo. Ensamblaxe e colaxe en Galicia”, reúne obras de artistas galegos con preocupacións estéticas diferentes, que traballan utilizando estas dúas técnicas para chegar a resultados tamén diferentes, pero onde é común a convivencia de elementos dispares e a hibridación de materiais e linguaxes.
O pintor compostelán Rafael Romero Masiá, un artista innovador a partir da mellor tradición, amosa o seu obradoiro.