CRTVG

Buscar

O explorador

Programa 2: Cristovo Colón, ¿galego coma nós?

02/05/2014 00:15 h

O descubrimento de América foi unha das casualidades máis afortunadas e determinantes da historia da Humanidade. E o seu artífice, un home enigmático. Que sabemos, de certo, sobre Cristovo Colón? “O Explorador” da TVG, que indaga sobre feitos históricos dos que temos un coñecemento xenérico pero que seguen a albergar zonas de sombra, investigará esta noite a posible orixe galega de Colón, no capítulo da serie documental titulado “Descubrindo o descubridor”.

A figura do almirante máis famoso da historia segue envolta no misterio. A única referencia á súa orixe atópase nun documento de 1498 en que afirma ser xenovés, pero que moitos historiadores cuestionan desde hai anos. E, nos escasos documentos que se conservan, Colón manéxase mellor en Castelán ca en italiano.

No seu percorrido desta noite, Sergio Zearreta, que lle dá vida ao personaxe de “O Explorador”, intentará buscarlles resposta ás numerosas lagoas que existen sobre a orixe do Descubridor: por que Colón bautiza as primeiras terras que descobre con nomes galegos? Por que, sendo italiano, apenas coñecía ese idioma? É o almirante descendente dos Colón, pontevedreses desde o século XIV? Son auténticos os documentos que cimentaron esta teoría? Oculta a súa peculiar sinatura o segredo da estirpe galega do mariño?

“O Explorador” revisará, entre outras, as teorías dos investigadores Celso García de la Riega e Alfonso Phillipot, que aseguran que naceu en Poio. Xénova, Cataluña, Baleares, Portugal, Sevilla... Non son poucos os lugares que se disputan a orixe de Cristovo Colón, pero o espazo da TVG descubrirá que ningunha teoría semella achegar tantos datos concordantes como a do “Colón Galego”.

Envía o teu comentario!.
Para poder comentar esta entrada debes estar rexistrado.
Introduce o teu usuario e contrasinal aquí

Atopar capítulo por: