Andrés Domínguez, avogado dun prestixioso cunsulting de A Coruña, está a piques de conseguir un ascenso que o converterá en vicepresidente do bufete.
Pero, para sorpresa dos seus compañeiros e da súa ex-moza, rexeita o posto e decide aceptar a praza de xuíz nunha vila pequena da Costa da Morte, Portozás.
A súa chegada á vila non podía ser máis accidentada. Na súa viaxe en coche, Andrés atropela unhas galiñas e faise un corte cando bate coa cabeza contra o parabrisas.
Ao tomar posesión do seu cargo de xuíz, Andrés atópase co primeiro problema. María Ares, unha veciña de Portozás, vive coa súa filla dende que o home desaparecera nun naufraxio dous anos atrás. Nunca atoparon o corpo, así que María non é legalmente viúva.
Non lle pode facer fronte á hipoteca da súa vivenda e o industrial Ramón Couto, o home máis poderoso de Portozás, pretende arrebatarlle a casa. Todo o proceso estaba detido á espera de que chegara o substituto do xuíz, e Andrés, abrumado pola súa estrea na xudicatura, estará a piques de firmar o embargo do domicilio de María Ares entre a morea de expedientes que estaban pendentes de resolución.
Cando sabe dos pormenores do caso, decide axudar a María alugando un piso da vivenda. Así, ela poderá pagar a hipoteca e el atopará un sitio onde vivir.
Por unha vez, o invencible Ramón Couto acaba derrotado.
O outro problema que ten Andrés é indemnizar ao dono das galiñas que atropelou, Evaristo Currás, un mariscador furtivo pouco amigo de xuíces.
