No resumo desta semana María Mera cóntanos, mentres está cos últimos retoques de maquillaxe e peiteado, que hoxe é un día moi importante para o concurso porque se van coñecer os dous concursantes que teñen máis puntos e que polo tanto pasan directamente á gran final. Iago Pico e Roi Casal están máis indecisos ca nunca e fáiselles cada vez máis complicado puntuar os rapaces e ter que elixir quen pasa de fase. Rubén Darío por fin cumpre o seu soño de cantar coa súa madriña Alejandra Pais.