CRTVG Viva http://www.crtvg.es CRTVG Viva Copyright 2020 Sat, 22 Feb 2020 08:35:52 +0100 Sat, 22 Feb 2020 08:35:52 +0100 gl http://www.crtvg.es http://www.crtvg.es/static/img/rss_logo_crtvg.png CRTVG Viva A RG celebra o seu 35º aniversario recuperando o testemuño directo dos profesionais que viviron os primeiros momentos da emisora http://www.crtvg.es/crtvg/noticias-corporativas/a-rg-celebra-o-seu-35-aniversario-recuperando-o-testemuno-directo-dos-profesionais-que-viviron-os-primeiros-momentos-da-emisora Sat, 22 Feb 2020 00:09:00 +0100 http://www.crtvg.es/crtvg/noticias-corporativas/a-rg-celebra-o-seu-35-aniversario-recuperando-o-testemuno-directo-dos-profesionais-que-viviron-os-primeiros-momentos-da-emisora Santiago, 22.02.2020.-    A Radio Galega está de aniversario. O vindeiro luns fanse 35 anos do inicio das súas emisións en probas, que comezaron o 24 de febreiro de 1985, coincidindo co día do nacemento da poetisa Rosalía de Castro.

Para celebralo, a canle pública emitirá durante as vindeiras semanas testemuños directos daqueles momentos, na voz de locutores/as, técnicos/as e produtores/as que traballaron na Radio Galega naqueles primeiros días. O relato de anécdotas e historias e a recuperación da narración de acontecementos históricos ofrecerase na programación ata o 29 de marzo, data en que, en 1985, comezaron, as emisións regulares da RG.

Xa este domingo, lembrarase aos compañeiros que estiveron aquel primeiro día. Así, o espazo ‘Galicia por Diante Fin de Semana’, que presenta Victoria Rodríguez, terá como convidados a Manuel Villanueva, hoxe director de Contidos de Mediaset, e a Pablo Barreiro, xefe de Produción da Radio Galega

Galicia por Diante’ e ‘A Tarde’, os programas centrais da grella da Radio Galega, acollerán faladoiros e entrevistas sobre esta efeméride o luns 24. O programa presentado por Kiko Novoa contará coa participación do hoxe redactor da TVG Antón Galocha; de Mª Xesús Castro, que foi delegada da RG na Coruña da Coruña, e de Andrés Vieites, do equipo de Deportes da Radio Galega. A redactora da TVG Encina Ramos e os locutores Pepe Carreira e Alfonso Pardo, de Programas e Deportes da RG, estarán con Antón Rebollido no programa ‘A Tarde’ para compartir as súas lembranzas.

Ademais, a Radio Galega puxo en marcha unha campaña nas redes sociais para buscar galegos e galegas que cumpran 35 anos o 24 de febreiro de 2020. Todas esas persoas deberán entrar en directo no ‘Galicia por Diante’ do luns para falar da súa relación coa RG e participar así no sorteo de seis reloxos intelixentes. 

]]>
Novas RG Novas CRTVG
O beach pop do grupo valenciano Bombai e a aposta ecléctica da Banda da Loba animarán a velada musical deste sábado en 'Bamboleo' http://www.crtvg.es/crtvg/noticias-corporativas/o-beach-pop-do-grupo-valenciano-bombai-e-a-aposta-eclectica-da-banda-da-loba-animaran-a-velada-musical-deste-sabado-en-bamboleo Sat, 22 Feb 2020 00:00:00 +0100 http://www.crtvg.es/crtvg/noticias-corporativas/o-beach-pop-do-grupo-valenciano-bombai-e-a-aposta-eclectica-da-banda-da-loba-animaran-a-velada-musical-deste-sabado-en-bamboleo Santiago, 22.02.2020.-     ‘Bamboleo’, o programa da Televisión de Galicia da noite dos sábados, recibirá hoxe no escenario o grupo valenciano Bombai, que aterra cun estilo bautizado como beach pop, xa que a súa proposta respira frescura e positividade e mestura rock, reggae, indie e pop. A banda deuse a coñecer con ‘Sólo si es contigo’, unha canción que arrasou en toda España.

Tamén estará no escenario o grupo A Banda da Loba, que presenta o seu segundo disco tras o boom de ‘Bailando as rúas’. ‘Fábrica de luz’ é unha aposta musical ecléctica en que teñen cabida o folk, o pop, o rock e os ritmos latinos. Todo isto para construír un traballo de creación, reflexión e homenaxe arredor da idea de nai entendida en sentido amplo.
    
O espazo de entretemento da noite do sábado na TVG, que presenta Xosé Manuel Piñeiro, seguirá contando coas mellores orquestras do panorama galego, esta noite coa actuación de M-3.

No escenario tamén estarán dous aspirantes que competirán coas súas voces e interpretando dúas cancións de dous artistas coñecidos na proba do ‘Agora ou Nunca’. Virginia Senra interpretará ‘La gata bajo la lluvia’, de Rocío Dúrcal, e Roberto Romero fará o propio con ‘Quizás, quizás’, de Nat King Cole e Andrea Boccelli.

Ademais, coma sempre, ‘Bamboleo’ ofrecerá as seccións ‘A ITV do amor’, onde un concursante terá que adiviñar cal é a verdadeira parella dunha persoa a partir de certas probas; ‘A Jrileira’, en que Reyes e Susi se enfrontarán ao karaoke con ‘Cuando nadie ve’, de Morat, e ‘Dirtidansi’, con Abel e Belén bailando rumba e chachachá.

]]>
Novas TVG Programación TVG
O balonmán feminino e o fútbol son, esta fin de semana, os protagonistas das emisións en directo da G2 e da web da CRTVG http://www.crtvg.es/crtvg/noticias-corporativas/o-balonman-feminino-e-o-futbol-son-esta-fin-de-semana-os-protagonistas-das-emisions-en-directo-da-g2-e-da-web-da-crtvg Fri, 21 Feb 2020 16:00:00 +0100 http://www.crtvg.es/crtvg/noticias-corporativas/o-balonman-feminino-e-o-futbol-son-esta-fin-de-semana-os-protagonistas-das-emisions-en-directo-da-g2-e-da-web-da-crtvg Santiago, 21.02.2020.-   Esta fin de semana, os afeccionados ao deporte estarán acompañados polos medios públicos galegos, que ofrecerán, pola G2 e pola web da CRTVG, a Liga Guerreiras Iberdrola de balonmán e as ligas de Segunda B e Terceira División de fútbol. 

O sábado, as retransmisións principian ás 17:30 horas no Estadio Municipal de Calabagueiros, onde o C. D. Barco recibe o Deportivo Fabril no encontro correspondente á xornada 25 da 3ª División de fútbol. Na táboa de clasificación estes equipos están separados por cinco puntos, ocupando os ourensáns a cuarta posición, con 40, e o Fabril a sétima. No partido de ida, o Barco foi o conxunto vencedor, pero nesta segunda volta está tendo unha traxectoria irregular, pois só gañou 2 dos 7 partidos disputados. O último, o 9 de febreiro, goleando 1-4 ao Somozas. Aínda así, está nos postos de ‘play off’ e este sábado buscará recuperar sensacións para continuar loitando polo ascenso. Pola súa parte, o Fabril ten posibilidades de optar aos postos de ‘play off’. Logo dunha mala racha en que perderon 3 partidos consecutivos, a xornada pasada empatou 2-2 na casa co Compostela nun encontro en que o club da cidade herculina comezou poñéndose por riba no minuto 8.

Ás 19:30 h, a G2 e crtvg.gal poñen en marcha a emisión do Conservas Orbe BM Porriño – Balonmano Salud Tenerife, encontro correspondente á décimo cuarta xornada da Liga Guerreiras Iberdrola de balonmán, no Pavillón Municipal do Porriño. As locais ocupan a décima posición da clasificación, con 7 puntos. A xornada pasada perdeu 23-30 contra o BMC Liberbank Xixón na casa nun encontro en que as galegas foron moi insistentes na procura do gol a pesar de disputar un partido complicado, pois o seu rival é o segundo clasificado da Liga. As tinerfeñas ocupan a posición seguinte ás galegas, con 6 puntos, e a xornada pasada empataron 25-25 co Rocasa Gran Canaria. 

Ás 12:00 horas en Barreiro, o Celta B - As Palmas Atlético pon en marcha as emisións deportivas do domingo na G2 e na web da CRTVG no espazo ‘A Liga das Cidades’. O conxunto vigués ocupa a zona baixa da Segunda División B, a décimo oitava posición con 26 puntos, e precisa da vitoria para continuar na loita pola permanencia. Na xornada anterior perdeu 2-1 ante o Langreo. O conxunto canario non se atopa nunha situación moito mellor, xa que ocupa a décimo sexta posición con 31 puntos, e levan dúas xornadas consecutivas perdendo. Este domingo buscarán acadar a vitoria para cumprir o coñecido refrán: Á terceira vai a vencida.

Ao mesmo tempo en que se disputa o encontro do Municipal de Barreiro, o Rácing de Ferrol visita o Estadio Balear para enfrontarse ao Atlético Baleares, o primeiro da liga, con 55 puntos, que empatou a uns a xornada pasada ante o Coruxo. Desta volta, enfróntase por terceira semana consecutiva ante un equipo galego. Logo de 3 vitorias consecutivas e un empate, o líder busca continuar na mesma liña para afastarse do segundo clasificado, o Atlético B, con 51 puntos. O Rácing de Ferrol ocupa a primeira metade da táboa, en novena posición con 33 puntos. Leva dúas xornadas consecutivas gañando pola mínima, a última, ante o U. D. Eivissa por 1-0. Se este domingo consegue os tres puntos, podería acadar a sétima posición da táboa. 

Xa pola tarde, ás 17:00 horas e continuando no tempo de ‘A Liga das Cidades’, en San Lázaro terá lugar o encontro que enfronta o Compostela, líder da Terceira Galega, co Rápido de Bouzas. O Compostela está sendo imparable esta temporada, aínda que a xornada pasada só puidese volver á casa cun empate ante o Fabril logo de 5 vitorias seguidas. Nesta ocasión os locais xóganse o liderado, xa que o Ourense C. F. está 2 puntos por debaixo na clasificación. O Rápido de Bouzas está nos postos de perigo e este domingo afronta un partido complicado, pois a xornada pasada os de Miguel Fernández perdían na casa ante o Alondras por 0-1 e levan sen gañar desde o 4 de xaneiro, cando golearon 1-4 ao U. D. Paiosaco.

]]>
Novas TVG Novas CRTVG
Gran festa de Entroido no 'Luar' desta noite, que contará coa presenza de Andy y Lucas e Regina dos Santos http://www.crtvg.es/crtvg/noticias-corporativas/gran-festa-de-entroido-no-luar-desta-noite-que-contara-coa-presenza-de-andy-y-lucas-e-regina-dos-santos Fri, 21 Feb 2020 00:00:00 +0100 http://www.crtvg.es/crtvg/noticias-corporativas/gran-festa-de-entroido-no-luar-desta-noite-que-contara-coa-presenza-de-andy-y-lucas-e-regina-dos-santos Santiago, 21.02.2020.-  O programa ‘Luar’ (22.00 h) ten preparada para esta noite unha gran festa de Entroido.  Todo o mundo estará disfrazado no estudio de gravación, onde se realizarán exhibicións de personaxes como os felos e as madamas de Esgos, o folión de Vilamartín de Valdeorras e os portugueses Caretos de Ousilhão. Ademais, o espazo da TVG establecerá conexións en directo con Xinzo da Limia e Verín, dous dos vértices do ‘triángulo máxico’ de Ourense, desde onde Patricia Fernández Santana contará como se está a vivir a troula a esas horas da noite. Pola súa parte, Inma Morandeira estará en Samede, no concello coruñés de Paderne, que, cos seus carolos e vixigueiros, se reivindica como a capital do Entroido rural do norte.

No capítulo musical, non podía faltar nesta festa de Entroido a popular cantante e bailarina brasileira Regina dos Santos, que a bo seguro volverá engaiolar os espectadores cos seus ritmos explosivos e coa súa simpatía.

Nesta edición, o programa recibirá a visita do dúo gaditano Andy y Lucas, que fixo década e media no panorama musical, cando aínda resoan hoxe os refráns dos seus primeiro éxitos como ‘Son de amores’ e ‘Tanto la quería’. Nestes 15 anos de existencia sumaron máis dun millón de copias vendidas e once discos de platino. Esta noite presentaranlles ao público e aos espectadores o seu novo sinxelo, ‘Toda la noche’, que lle rende homenaxe á música disco dos 80 sen perder a esencia sureña propia das melodías do grupo.

A audiencia tamén poderá gozar esta semana coa innovadora proposta de MITIC, el espectáculo, un proxecto de expansión do instrumento máis emblemático da nosa terra, que converte a gaita en protagonista da música universal, coa súa presenza en cancións coñecidas por todos, como é o caso de ‘The final countdown’, o tema que interpretarán esta noite.

Ademais, o espazo da TVG presentado por Xosé Ramón Gayoso e Beatriz Serén ofrecerá as actuacións do músico galego Antonio Luz, da cantante Alejandra Pais, actual voz de Fania Blanco Show, da orquestra Charleston Big Band, da A. C. Rosalía de Castro de Padrón e da Banda de Música de Chapela, que está a celebrar o seu 25 aniversario.

Despois da paréntese da semana pasada polo especial da ‘Gala do Cocido’, este venres volve a ‘Luar’ o concurso ‘Recantos’, que nesta ocasión subirá ao escenario a Marc Alonso, procedente da Costa da Morte, e a Velusa, representante de Portugal norte.

]]>
Novas TVG Programación TVG
O 'Galicia en Goles' da Radio Galega comeza o sábado en Balaídos co Celta - Leganés http://www.crtvg.es/crtvg/noticias-corporativas/o-galicia-en-goles-comeza-o-sabado-as-12-45-h-co-celta-leganes-en-balaidos Thu, 20 Feb 2020 16:30:00 +0100 http://www.crtvg.es/crtvg/noticias-corporativas/o-galicia-en-goles-comeza-o-sabado-as-12-45-h-co-celta-leganes-en-balaidos Santiago, 20.02.2020.-   Esta fin de semana, o 'Galicia en Goles' da Radio Galega amplía a súa emisión. A edición do venres, coa análise da xornada, chegará á audiencia ás 20.30 horas ata as 23.59 h.

O sábado, o programa deportivo da RG adianta o comezo ás 12.45 h coa retransmisión desde Balaídos do Celta - Leganés, decisivo para escapar da zona baixa da Primeira División. Pola tarde, o protagonismo será para o Oviedo - Coruxo, da Segunda División B, e para os nove partidos adiantados da Terceira Galega. As ligas de fútbol sala e balonmán completan a oferta de retransmisións do día.

A programación da Radio Galega deixará o sábado outros dous espazos deportivos. Ás 23.00 horas, 'Gas a Fondo' repasará a actualidade do motor e, ás 23.30 h, Toni López informará no 'Galicia en Toquio' dos éxitos dos deportistas galegos que están preparando os próximos Xogos Olímpicos.

O domingo, a edición matinal principiará ás 11.45 horas co decisivo Lugo - Oviedo, da Segunda División A, desde o Anxo Carro. Ademais dispútanse na Segunda B tres encontros: Atlético B - Pontevedra, Baleares - Rácing de Ferrol e Celta B - As Palmas Atlético. Desde as 15.00 h, a sesión de tarde estará centrada no Zaragoza - Deportivo, da Segunda División, desde A Romareda. Tamén haberá información do Compostela - Bouzas, que pecha o calendario de Terceira. A partir 20.30 h, adestradores e xornalistas debaterán no 'Faladoiro' e, ás 23:00 horas, a mesa de debate continuará aberta en 'Ao Contraataque'. Os dous espazos de opinión tamén se poden ver en streaming a través da páxina web da Radio Galega na ventá 'Mira RG'.

]]>
Novas RG Novas CRTVG
A Galega, única televisión en España en ofrecer, en aberto e en directo, o Campionato do Mundo de Motocrós http://www.crtvg.es/crtvg/noticias-corporativas/a-galega-unica-television-en-espana-en-ofrecer-en-aberto-e-en-directo-o-campionato-do-mundo-de-motocros Thu, 20 Feb 2020 12:58:00 +0100 http://www.crtvg.es/crtvg/noticias-corporativas/a-galega-unica-television-en-espana-en-ofrecer-en-aberto-e-en-directo-o-campionato-do-mundo-de-motocros Santiago, 20.02.2020.-  Os afeccionados galegos ao motociclismo están de parabéns. A G2 transmitirá o Campionato do Mundo de Motocrós 2020, coa estrea do lucense Jorge Prado, bicampión do mundo de MX2, na máxima categoría MXGP, con monturas de 450 c.c. e cos mellores pilotos do mundo como rivais. A Galega é a única televisión no ámbito estatal que ofrecerá, en aberto e de xeito íntegro, toda a espectacularidade deste mundial desde o próximo 1 de marzo en Matterly Basin (Gran Bretaña).

Con Prado, todo un fenómeno do motociclismo de só 19 anos, considerado en 2018 e 2019 o mellor deportista galego, na categoría raíña do motocrós, regresa este ano a celebración do Gran Premio de España (19 de abril en Xanadú-Arroyomolinos, Madrid), onde poderá amosarlle a toda a afección o seu gran talento. Os xornalistas deportivos da canle pública Alfonso Pérez e Roberto Prado comentarán os domingos, en directo, a celebración dos 20 grandes premios deste torneo, estruturados cada un deles en dúas probas.

Tamén as redes sociais da CRTVG prestarán unha atención especial a cada unha das probas do torneo. Coa emisión deste mundial de motocrós, os medios públicos galegos volven apostar por distinguir unha práctica minoritaria, co fin de dar visibilidade a un destacado deportista galego. O Campionato do Mundo de Motocrós terá continuidade ata o 20 de setembro, coa celebración do Gran Premio de Emilia Romagna (Italia).

]]>
Novas CRTVG
A actriz e cómica Yolanda Ramos visita o 'Land Rober Tunai Show' para meterse na pel dunha vendedora de grelos http://www.crtvg.es/crtvg/noticias-corporativas/a-actriz-e-comica-yolanda-ramos-visita-o-land-rober-tunai-show-para-meterse-na-pel-dunha-vendedora-de-grelos Thu, 20 Feb 2020 00:00:00 +0100 http://www.crtvg.es/crtvg/noticias-corporativas/a-actriz-e-comica-yolanda-ramos-visita-o-land-rober-tunai-show-para-meterse-na-pel-dunha-vendedora-de-grelos Santiago, 20.02.2020.-   Este xoves visita o ‘Land Rober Tunai Show’ (22.20 h) a actriz e cómica Yolanda Ramos, que vén pintar a mona e argallar unha boa porque se vai meter na pel dunha vendedora de grelos, das que están ao pé da Nacional 550. Os espectadores coñecerán as razóns de supervivencia desta especie autóctona. Que segredo gardarán os grelos?

Por se fora pouco volve o reto que une a grandes e pequenos: o Xubilados VS Millennials. Quen conseguirá o liderado nesta ocasión? O programa contará tamén cunha nova entrega do ‘Que me estás contando?’ coas palabriñas máis rebuscadas e divertidas. O show está asegurado con Yolanda Ramos.

Pegado á actualidade, o programa abordará o tema que preocupa hoxe en día: o dereito a rañar a barriga no traballo. Desconta ou non no cómputo de horas? Ademais, no show desta noite non faltarán Eva Iglesias e David Perdomo, que farán das súas xunto a Roberto Vilar.

]]>
Novas TVG Programación TVG
CRTVG convida as principais forzas políticas galegas a un debate electoral o luns 23 de marzo http://www.crtvg.es/crtvg/noticias-corporativas/crtvg-convida-as Wed, 19 Feb 2020 23:04:00 +0100 http://www.crtvg.es/crtvg/noticias-corporativas/crtvg-convida-as Santiago, 20.02.2020.-      A Corporación Radio e Televisión de Galicia convida as principais forzas políticas do país a participar nun debate electoral na sede dos medios públicos en San Marcos, o vindeiro luns 23 de marzo e en horario de máxima audiencia.

A Corporación, na súa función de servizo público, reafirma o seu labor de trasladar de forma clara e plural as iniciativas dos diferentes grupos a todos os galegos no arranque da campaña electoral.

Desde que se publiquen as candidaturas definitivas que concorrerán aos comicios, a CRTVG poñerase en contacto cos representantes dos grupos políticos para achegarlles o seu plan de cobertura completo e para ter un encontro de traballo.

A CRTVG emitirá este debate das eleccións autonómicas 2020 de forma simultánea na TVG, na Radio Galega e nos seus soportes dixitais.

O debate será accesible en lingua de signos. Ademais, facilitarase o sinal do evento a todos os medios interesados na súa difusión.

 

]]>
Novas CRTVG
O espazo 'A tarde' da Radio Galega súmase á celebración do Entroido desde Viana do Bolo http://www.crtvg.es/crtvg/noticias-corporativas/o-espazo-a-tarde-da-radio-galega-sumase-este-xoves-a-celebracion-do-entroido-desde-viana-do-bolo Wed, 19 Feb 2020 16:14:00 +0100 http://www.crtvg.es/crtvg/noticias-corporativas/o-espazo-a-tarde-da-radio-galega-sumase-este-xoves-a-celebracion-do-entroido-desde-viana-do-bolo Santiago, 19.02.2020.-  O equipo do magazine A tarde da Radio Galega, con Antón Rebollido á fronte, trasládase este xoves ata a localidade ourensá de Viana do Bolo, onde se celebra o Xoves de Comadres e supón o tiro de saída dos días grandes do Entroido. Desde as 16.00 h, os oíntes da emisora pública contaxiaranse do ambiente desta festa declarada de Interese Turístico de Galicia e coñecerán polo miúdo a programación destes días, as riquezas da zona, a oferta hostaleira e gastronómica e o Boteiro, a figura característica desta vila, que se move dando grandes brincos sobre a monca e cuxa máscara está pintada de negro.

Para falar sobre os folións e boteiros, no set que o espazo ‘A Tarde’ disporá na Praza Maior de Viana contarase coa presenza de Jorge Domínguez, presidente da asociación Folións Rurais de Viana, e do boteiro Roberto Rábade. Con Nathalie Fouet, propietaria da pensión rústica O Trancallo, coñeceranse as propostas hostaleiras que se poden atopar na zona; con Gloria Fernández, dona do establecemento Os castiñeiros, e co tamén hostaleiro Eduardo Fernández Silva conversarase sobre a celebración da 50 edición da Festa da Androlla o domingo, así como de receitas para a súa preparación.

Polos micros de A tarde tamén pasará un estudoso de Viana do Bolo, Pedro Basalo; o alcalde da localidade, Secundino Fernández, e a concelleira de Cultura, Graciela Diéguez, que afondarán nas tradicións e actividades que se poden gozar nesta celebración, unha das máis antigas que se manteñen no Entroido ourensán. Cos alcaldes de Vilariño de Conso, Melisa Macía, e de Manzaneda, Amable Fernández, conversarase sobre os cometidos de ‘Terra do folión’, o proxecto conxunto sobre o Entroido que levan a cabo os tres concellos situados na zona oriental da provincia.  

A tarde recibirá, amais, a Lina García, responsable dunha explotación de vacún; a Xoán González Alonso, dunha gandería ovina, e o apicultor Xosé Luis Alonso para coñecer máis a fondo a situación económica da comarca. E como en toda celebración que se prece non faltará a música en directo, nesta ocasión, a cargo do grupo folk Tomalleoutra.

]]>
Novas RG Novas CRTVG
A movida dos 80 e a música tradicional galega enfróntanse hoxe en 'A miña familia pola túa' con dous modos de vida opostos http://www.crtvg.es/crtvg/noticias-corporativas/a-movida-dos-80-e-a-musica-tradicional-galega-enfrontanse-hoxe-en-a-mina-familia-pola-tua-con-dous-modos-de-vida-opostos Wed, 19 Feb 2020 00:00:00 +0100 http://www.crtvg.es/crtvg/noticias-corporativas/a-movida-dos-80-e-a-musica-tradicional-galega-enfrontanse-hoxe-en-a-mina-familia-pola-tua-con-dous-modos-de-vida-opostos Santiago, 19.02.2020.-  Dúas familias opostas. Uns, amantes da música dos 80, e outros, da música tradicional galega. Así son os protagonistas desta semana do programa da TVG ‘A miña familia pola túa’ (22.25 h).

Begoña vive co seu fillo Miguel e a súa parella Eduardo en Ponteareas. Eduardo traballa nun obradoiro de gaitas onde fabrica de modo artesanal estes instrumentos, ao igual que o fixeron o seu avó e o seu pai, e véndeos a través de Internet. Para esta familia, a música tradicional galega forma parte da súa vida diaria. Tanto Begoña como Eduardo son moi aventureiros, namorados do deporte e do contacto coa natureza e practican todo tipo de deportes de risco. Como será a convivencia cunha muller á que lle produce pánico levantar os pés do chan? Que pasará cando descubran que a ‘nova nai’ que os visita non é en absoluto tradicional?

Pola súa parte, Sonia e o seu marido Ángel defínense así mesmo como dous tolos da música da década dos 80 e así intentan transmitirllo á súa pequena de tres anos, Betsabé, ensinándolle as cancións e organizando coa nena festas temáticas con disfraces no salón. Ángel é músico de profesión e foi guitarrista do grupo que acompañaba o cantante Tino Casal; na súa casa aínda conserva moitos recordos daquela época. Pola súa parte, Sonia gaña a vida como ‘sanadora’ e tarotista, é unha muller moi sensitiva que practica distintas técnicas de meditación. Aceptará Begoña estas rarezas? Conseguirá converter esta familia tan especial en tradicional? Poderá convencer este músico da Movida para que aprecie o son das gaitas?

]]>
Novas TVG Programación TVG