Gayoso pechará deste xeito un 2023 moi especial, no que mesmo se anunciou que abandonaba o estudio de ‘Luar’, o que propiciou ata un concurso entre quince presentadores para substituílo. A broma rematou hai unhas semanas coa súa volta á fronte do espazo máis querido da canle. Agora volverá tamén acompañar os galegos e galegas na conta atrás para estrear o ano 2024. 

A presentadora Rocío Durán triunfa na pantalla coa emisión do magazine das tardes ‘Hora galega’, estreado en 2022. Pola súa parte, a ourensá Noelia Rey é unha cara moi coñecida da TVG. A xornalista, que recolleu o Premio Circom ao Novo Talento en Pantalla 2022, presentou espazos como ‘Vaia troula’ e actualmente conduce o noticieiro ‘Malicia noticias’ en clave de humor no prime time da canle.

Na súa intervención, Rosa Vilas agradeceu e recoñeceu o importante papel dos equipos da TVG na súa carreira e tivo tamén unha lembranza para outra xornalista pioneira, Rosa Martínez, recentemente falecida, compañeira e ex-directora da Radio Galega. Rematou as súas palabras adicando o premio aos seus dous fillos aos que agradeceu, emocionada, "o apoio incondicional e a vosa comprensión por tantas ausencias durante todos estes anos".

A traxectoria de Rosa Vilas (Cambados, 1966) está vencellada á historia dos medios públicos galegos, xa que antes de dirixir a canle de televisión fora tamén a primeira muller que exerceu como redactora xefa e subdirectora de informativos da TVG. Este Premio Honorífico dos VIII Premios Paraugas enxalza, por tanto, o seu destacado labor como xornalista e tamén o seu papel como pioneira no seu sector. Licenciada en Xornalismo pola Universidade Complutense de Madrid, en 1989 comezou a súa traxectoria na CRTVG, nos primeiros anos como presentadora e editora do ‘Telexornal mediodía’, e posteriormente en cargos directivos.

En 2014, Rosa Vilas pasou a ser a directora da División de Radio e Televisión de Galicia da CRTVG. Máis adiante, en 2017, foi nomeada directora adxunta á Dirección Xeral da CRTVG e, posteriormente, directora de Organización e Xestión do Cambio, adxunta á Dirección Xeral da CRTVG responsable do deseño e desenvolvemento da dixitalización e do modelo produtivo da CRTVG como operadora dixital multimedia, multiplataforma e multicanle. Ao longo da súa carreira profesional, Rosa Vilas recibiu distincións como o Premio Talento de Televisión da Academia da Televisión en 2014 ou o Premio Enrique Beotas na modalidade de entrevista en 2016.

Premios Paraugas

O Clúster da Comunicación de Galicia puxo marcha hai oito anos os Premios Paraugas para poñer en valor a calidade do traballo do sector da comunicación en Galicia. Cada ano, neste 2023 por primeira vez fóra de Ourense, os galardóns recoñecen traballos de creativos, axencias de publicidade, entidades, imprentas, e proxectos de comunicación de marketing feitos desde Galicia.

www.clustercomunicacion.gal

Ao longo da semana, xornalistas e presentadores da TVG e da Radio Galega divulgarán os artigos recollidos na Declaración dos Dereitos da Infancia e Adolescencia coa finalidade de avanzar no seu cumprimento. Marta Darriba, Iria Soengas, María Solar, Terio Carrera, Eduardo Herrero, da TVG, e Kiko Novoa, Cristina García, Águeda Penedo, Antón Rebollido ou Victoria Rodríguez, da RG, entre outros, serán a voz e o rostro da campaña. 

 Ademais, programas informativos como ‘Bos días’, ‘A revista’, ‘Galicia noticias’, ‘Telexornal mediodía’, ‘Telexornal serán’, ou ‘Galicia por diante’, ‘A bóla extra’, ‘A tarde’, ‘A crónica’ e ‘Convivir’, colaborarán emitindo contidos e entrevistas relacionados coa actualidade internacional no eido humanitario, como o impacto do terremoto en Afganistán ou a devastadora situación que vive a infancia afectada polo conflito en Israel e Gaza.  

Así, no ‘Bos días’ do luns 20 entrevistarase a Myriam Garabito, presidenta de UNICEF Galicia, e o mércores a Ana Sotto-Mayor, directora de comunicación. O domingo 26 contarase con José María Vera, director executivo de UNICEF España, quen trasladará as últimas novas sobre a situación da infancia na franxa de Gaza.

O magazine matinal ‘A revista’ acompañará o martes aos cativos no Pleno de Participación Infantil e Adolescencia de Redondela e emitirá, o xoves, unha entrevista con Lucía Regueiro, actriz, presentadora, e Amiga de UNICEF Comité Galicia. Tamén #DígochoEu editará un vídeo especial relacionado co impacto de internet e as redes sociais na adolescencia. No ‘ZigZag FdS’, María Solar, fará un percorrido polos artigos da Convención sobre os Dereitos do Neno relacionados coa cultura de nenos e adolescentes. 

As tardes da Galega e ‘Luar’, con UNICEF

 O magazine da sobremesa, ‘Quen anda aí’, convidará a María Solar, xornalista especializada en cultura, escritora e recente Amiga de UNICEF Comité Galicia, quen trasladará como promove ela o dereito á saúde, á participación e á educación da adolescencia na contorna dixital. Tamén na tarde, o programa de actualidade ‘Hora galega’ achegarase a un centro educativo e amosará o compromiso da rapazada cos Dereitos da Infancia e Adolescencia e a importancia da implicación social para acadar o seu cumprimento. E o venres 24, no prime time da TVG, ‘Luar’ emitirá unha edición especial para achegar á súa audiencia o traballo de UNICEF.  Na radio, espazos como ‘A tarde’ ou ‘Galicia en goles’ súmanse ao labor divulgativo con contidos relacionados coa educación en dereitos, o dereito á auga ou a implicación da cooperación descentralizada e do sector privado para acadar os Obxectivos de Desenvolvemento Sostible (ODS) e a Axenda 2030. En ‘A tarde’, será o venres 24 cunha conversa coa presidenta de UNICEF Galicia e unha adolescente participante no Consello Galego de Participación Infantil e Adolescente. Xa no tempo de deporte da fin de semana, o ‘Galicia en goles’ convidará rapaces que serán entrevistados e compartirán, durante uns minutos, tarefas de presentación con Xoán Galán, xefe de Deportes da emisora.

E pola súa parte, o magazine das tardes da fin de semana ‘Xuntos en directo’ implicarase co dereito á participación no III Encontro de Participación Infantil e Adolescente en Carballiño, e contará coa Amiga de UNICEF Lucía Regueiro como convidada.

A isto cómpre engadir o labor das canles dixitais da CRTVG, a través do cancelo #SemanacoaInfancia e da emisión de vídeos e pezas especiais sobre os dereitos da infancia e cunha canle temática en www.crtvg.gal. O proxecto #Sinxelo tamén fará vídeos e novas sobre esta temática.

A Convención sobre os Dereitos do Neno

A Convención sobre os Dereitos do Neno é un tratado internacional. En 1989 todos os países do mundo (excepto EUA) puxéronse de acordo en que debían existir leis que recoñecesen e protexesen os dereitos humanos dos nenos, nenas e adolescentes, e así naceu a Convención sobre os Dereitos do Neno: o tratado internacional que recoñece, protexe e fai visibles os dereitos da infancia.

Doutra banda, a entidade outorgou o premio Mellor Presentadora Rexional a Jota Abril, do programa ‘Enjoy Madrid’ de Telemadrid. 

‘Xente marabillosa’ – ‘Gente maravillosa’ no formato en castelán – é un espazo que mostra o lado bo do ser humano e premia as persoas que actúan excepcionalmente nunha situación inxusta. Para iso, recrea con actores noticias reais de discriminación ou inxustiza social, co asesoramento de ONG e asociacións. As cámaras ocultas buscan a reacción de persoas anónimas e famosos neste contexto. Cando defenden a quen sofre un tratamento inxusto, o programa destaca o seu xesto e pono como exemplo civismo e bos valores. Eles e elas son esas persoas marabillosas. A TVG emite este programa, que presenta Lucía Rodríguez, os mércores pola noite no prime time.

O Consello da Academia tomou o acordo de premialo o pasado 6 de novembro nun pleno celebrado na Fundación Casa de México en España. É o máximo órgano da institución, con representantes na Xunta Directiva das distintas canles autonómicas e rexionais, plataformas dixitais e entidades de xestión de dereitos de autor. Participaron desta decisión profesionais de RTVE, TV3, Radio Televisión Canaria, Telemadrid, SGAE, Radio Televisión Castela e León, Netflix, Forta, Mediaset España, Fogar Dixital Entertainment Warner Bros Discovery, Abside Media-Cope Radio e Televisión de Canal Sur, Atresmedia TV Antena, EITB, Movistar PLUS+, The Walt Disney España, CMMedia, Fundación Casa de México en España, Prime Video e AcademiaTV. A CRTVG estivo representada polo seu director de Contidos Fernando R. Ojea.

Na súa intervención, Sánchez Izquierdo sinalou que a CRTVG pechou as contas dos pasados 14 exercicios en superávit, o que permitiu sanear a débeda herdada en 2009 de 51 millóns de euros e cunha temporalidade no emprego do 40 %. 14 anos despois a CRTVG liquidou a débeda bancaria na súa totalidade, e reduciu o resto de débeda en preto do 80 %. En canto á estabilidade do emprego, pasou dun 40 % de temporalidade a un proceso de consolidación en marcha do 100 % do cadro de persoal.

O director xeral explicou que estes orzamentos de cara a 2024 reflicten unha estrutura coherente de recursos que permitirán “atender os compromisos de gasto asociados á misión de servizo público que ten encomendada a Corporación”. O orzamento da Corporación sostense principalmente coas achegas da comunidade autónoma -123 millóns de euros- e con ingresos publicitarios, que para 2024 se prevén en 7,3 millóns, incrementando os algarismos deste exercicio.

Compromiso coa estabilidade no emprego

A Corporación afronta de cara ao 2024 a finalización do proceso de consolidación de emprego que suporá a estabilización do 100 % do cadro de persoal.

A dotación orzamentaria no que respecta aos traballadores ascende a 57,4 millóns de euros, 1,3 millóns máis que no exercicio anterior, recollendo deste xeito o incremento salarial previsto no eido público (+2,5 % de suba salarial e -0,2 % pola finalización o 31.03.2023 do programa da 1ª Experiencia na Administración Pública).

OTT, a nova plataforma, e máis investimento no audiovisual galego

O incremento orzamental de cara a 2024 responde así mesmo á inminente estrea da nova plataforma dixital OTT coa que a CRTVG disporá, no 2024, dunha oferta de contidos en liña ao xeito das actuais plataformas dixitais internacionais. Deste xeito, en clave de xestión, o orzamento 2024 contempla unha dotación para a adquisición de contidos destinados a nutrir a oferta asociada ao lanzamento desta plataforma, un incremento de orzamento que en boa medida redundará na industria audiovisual galega.

Ademais, este proxecto require de investimentos en modernización tecnolóxica previstas por 1.305.000 euros, que se investirán na renovación do sistema de produción dixital da TVG, así como no novo sistema de produción para a Radio Galega, o que redundará nas capacidades competitivas das canles públicas.

Fidelidade da audiencia

A audiencia da TVG segue a medrar acadando marcas históricas. Televisión de Galicia leva 13 meses pechando datos de audiencia por riba dos dous díxitos. E neste mes que acaba de rematar, acadou os mellores datos nun outubro desde hai dez anos, cunha cota do 10,8 % no conxunto da xornada e do 10,9 % no prime time, segundo reflicten os datos no medidor Kantar Media.     

Os servizos informativos foron referentes un mes máis, destacando a franxa do mediodía, entre as 13:30 e as 15:30 h, coa emisión do informativo de proximidade 'Galicia noticias' e o 'Telexornal mediodía', cunha cota nesta franxa do 18,3 % e a 1,3 puntos da seguinte canle (Antena 3, cunha cota do 17 %).