Radio Galega

Compartir en Facebook

Galicia en Goles afronta a temporada co obxectivo de seguir sendo o altofalante do deporte galego.

O programa que dirixe Xoán Galán ocupa un total de quince horas durante a programación da fin de semana. O fútbol é o prato forte e os partidos do Celta, na Primeira, e do Deportivo e do Lugo, na Segunda, marcan o ritmo.

 A Segunda B deste curso volve ter acento galego. Ourense, Rácing de Ferrol, Compostela, Celta B e Coruxo compiten no grupo primeiro. Na Terceira, o Pontevedra e o Deportivo B son os favoritos nunha Liga á que volven históricos como o Arousa e o Boiro.

Non todo é fútbol. O baloncesto co Obradoiro na ACB e tres equipos galegos na LEB Ouro tamén está presente nas retransmisións, xunto aos equipos máis representantivos do balonmán, fútbol sala, hóckey a patíns, voleibol e rugby.

A afección galega apoia o proxecto da Radio Galega. Durante a temporada pasada, Galicia en Goles foi líder de audiencia en diferentes franxas horarias da fin de semana. Ademais, milleiros de persoas seguen a emisión a través de internet.

O programa ten no humor de Carlos Jiménez e o seu equipo de Risoterapia un dos segredos do éxito, xunto ao feito de ir informando ao momento do que pasa no fútbol máis modesto como a Preferente ou a Primeira Autonómica.

Nas redes sociais, Galicia en Goles está presente no facebook e no twitter, con milleiros de seareiros e fans.

O correo electrónico é galiciaengoles@radiogalega.es

Para contactar coa redacción o número é o 981540905.
Durante a emisión do programa, o teléfono do oínte é o 981540916.

Galería de imaxes