Radio Galega

Compartir en Facebook

Galicia en Goles cumpre esta temporada trinta anos.

O programa que dirixe Xoán Galán mantén a filosofía do primeiro día, ser o altofalante do deporte galego.

Este curso amplía as horas de emisión. Os sábados e os domingos comeza ás catro da tarde na Radio Galega e haberá edicións especiais pola mañá na Radio Galega Música cando así o requira a actualidade.

Os partidos do Celta e do Depor na Primeira División son o eixo central. Logo do xogo comeza o segundo operativo nos micrófonos da emisora pública galega, coas opinións dos protagonistas na sala de prensa e na zona mixta, ademais da análise técnica e táctica do equipo de colaboradores.

O Lugo na Segunda e os cinco magníficos da Segunda B como son o Rácing de Ferrol, o Compostela, o Celta B, o Coruxo e o Somozas son tamén os protagonistas das tardes da fin de semana, sen perdermos detalle do que pasa na Terceira División.

Fóra do fútbol, as demais especialidades están presentes no programa, con atención especial ao Obradoiro na Liga ACB xunto aos equipos de elite no balonmán, fútbol sala, hockei a patíns, voleibol, rugbi e os deportistas de primeiro nivel que compiten no triatlon, piragüismo e atletismo.

Nas redes sociais, Galicia en Goles está presente no Facebook (galicia en goles fin de semana) e no Twitter (@galiciangoles), con milleiros de seareiros e fans.

O correo electrónico é galiciaengoles@radiogalega.es

Galería de imaxes