CRTVG

Pensando en ti

De 2:00 a 6:00 da madrugada, de luns a venres, os oíntes deste programa presentado por Marcial Mouzo comparten en directo a través do teléfono, nun ton distendido, experiencias persoais e opinións sobre todo tipo de temas.

Podes contactar co noso programa no teléfono 981 540 924 e no enderezo electrónico pensandoenti@radiogalega.es

CONTESTADOR AUTOMÁTICO: 981 540 997

---

Mostra do Encaixe coa emisión, dende Camariñas, do programa "Pensando en ti"

A Radio Galega estará presente na Mostra do Encaixe coa emisión, dende Camariñas, do programa "Pensando en ti".

Na madrugada do Venres Santo, de xoves a venres, Marcial Mouzo emitirá unha edición especial do seu programa dende a Casa de Pedra da vila camariñá.

O equipo de "Pensando en ti" desprázase á capital mundial do encaixe para difundir as novidades deste certame, que se celebra do 27 ao 31 de marzo no pavillón polideportivo de Camariñas.

O programa das madrugadas da emisora pública promete sorprender os oíntes con historias vencelladas á orixe do encaixe e á súa evolución dende a Idade Media.

"Pensando en ti" contará coa presenza de palilleiras que explicarán como se elaboran os encaixes e a súa aplicación ao sector da moda.

Pola Casa de Pedra pasarán tamén artesáns que elaboran outros produtos relacionados coa artesanía do encaixe, como o calzado tradicional galego, a cerámica ou o coiro.

No "Pensando en ti" lembraremos historias mariñeiras e sorprenderémoste con música en vivo para amenizar a madrugada. 

Invitámoste a acompañarnos

na madrugada do Venres Santo, de xoves a venres, de 2:00 a 7:00 h.,

se podes achegarte á Casa de Pedra de Camariñas, ou na sintonía a Radio Galega

Contamos contigo!!