Manuel Vicente
Son Manuel Vicente. Un apaixonado da ciencia que nun momento dado cambiei as probetas e os tubos de RMN polos micrófonos. E deste xeito entrei no universo da radio coa aventura de Efervesciencia.
O noso cerebro ven de serie cunha querenza pola curiosidade, e nós lanzamos ese anzol semana a semana. Se a esta fórmula lle engadimos unhas pingas de bo humor, imaxinación e 55 minutos de radio, a resultante é Efervesciencia, doses de ciencia sen contraindicacións.
Encántame aprender cousas novas. Por iso é un luxo conversar en primeira persoa cada semana con investigadores e innovadores que nos contan - coa tranquilidade e sinxeleza coa que falarían cos seus amigos non especialistas nun bar - o mais interesante dos seus achados. Sen ciencia non é posible entender o mundo no que vivimos, e logo que outra cousa é senón a cultura?
