As retransmisións dos partidos do Celta e do Lugo nas competicións da LFP e do Deportivo, Racing de Ferrol, Pontevedra e Celta B na Primeira Federación son a base do programa, xunto ao seguimento aos seis equipos galegos da Segunda Federación: Compostela, Coruxo, Bergantiños, Arenteiro, Ourense CF e Lugo B. Ademais está presente en todos os campos da Terceira e da cobertura ao Deportivo, na competición feminina.
O Galicia en Goles tamén segue con atención aos outros representantes que participan nas categorías elite do deporte español: Obradoiro e Breogán, na ACB; Ensino, no baloncesto feminino; Cangas, Cisne, Guardés e Porriño, no balonmán; Liceo, no hockei a patíns masculino e feminino; Noia, no fútbol sala masculino; Burela, Ourense, Poio, Marín e Amarelle no fútbol sala feminino; os dous equipos do Emevé Lugo e Boiro, no voleibol; Crat Coruña, no rugbi feminino; e o Amfiv Vigo, no baloncesto en cadeira de rodas.