CRTVG

Na terceira temporada, Galicia por diante mantén a súa aposta para as mañás na radio pública galega, con pluralidade e vocación de servizo. De 6 a 12 da mañá, estamos onde está a noticia. Baixo a dirección de Kiko Novoa, GxD lidera as primeiras horas do día, con micrófonos en todos os recunchos do país e a análise máis rigorosa.

Durante as seis horas de radio en vivo, o gran programa das mañás da Radio Galega conta coas voces más sobranceiras do panorama político e social, que comparten a súa opinión cos oíntes para pechar o círculo informativo e de entretemento co que naceu este gran proxecto: Antonio Vázquez Taín, José Luis Gómez, Roberto Blanco Valdés, Luis Rego, Encarna Otero, Domingo Bello Janeiro, María Xosé Porteiro, Carlos Mantilla, Xoán Antón Pérez Lema, Carlos Luis Rodríguez, Luis Álvarez Pousa,...

O equipo máis amplo da radio en Galicia traballa para contar todo o que pasa minuto a minuto. Moncho Lemos tráenos os seus Fondos Reservados, Santiago Pemán anúncianos que tempo teremos, Octavio Villazala achéganos ao mundo das mascotas, Xavier Akerman responde sobre medicina natural... Pero, ante todo, o protagonista es ti. Denuncia, suxire, opina, participa.

E recorda: en Galicia por diante, ti estás por diante.

Podes contactar co noso programa no teléfono 981 540 954, no enderezo electrónico galiciapordiante@radiogalega.es e no noso Facebook do Galicia por Diante .

CONTESTADOR AUTOMÁTICO: 881 997 920 (as 24 horas)

Xusto López Carril dirixe Aquí Galicia, unha revista informativa, un espazo dedicado exclusivamente á información pero que integra na súa estrutura un esquema similar aos programas de variedades. Aquí Galicia é unha revista radiofónica ligada á actualidade e dirixida a un público heteroxéneo. Pretende ser un programa de acompañamento e entretemento facilitando información moi diversa: noticias, reportaxes, entrevistas e conexións en directo.

Podes contactar co noso programa no teléfono 981 540 970 e no enderezo electrónico aquigalicia@radiogalega.es

Nuria López é a responsable de Crónica das dúas, o informativo que chega na hora clave, no cerne da xornada na que a actualidade está auténticamente viva. O ointe ten aquí a oportunidade de coñecer en detalle o que pasa no seu contorno en tódalas ordes e ámbitos, en tempo presente, nun momento en que o día vai a medio camiño.

Trátase, por tanto, dun espazo de noticias especialmente fresco con conexións en directo cos puntos onde se desenvolven os feitos que son noticia que reciben así un tratamento informativo de primeira man.

Aquí tamén está o pulso continuo e permanente de canto acontece maís alá do noso contorno de proximidade; en puntos non tan cercanos no espazo pero de incidencia na nosa vida, especialmente nos eidos económico e político.

As novas expresións e formatos artísticos en diálogo coa historia cultural conflúen neste espazo de información, análise e creación que a Radio Galega emite desde outubro de 1990.

O Diario Cultural, conducido por Ana Romaní, é un dos programas diarios de información cultural máis veteranos da radiodifusión galega. Ademais das emisións diarias e de programas especiais e monográficos, promoveu o libro Narradio 56 historias no ar e anualmente o Premio Diario Cultural de Teatro Radiofónico.

Podes contactar co noso programa no teléfono 981 540 924, no enderezo electrónico diariocultural@radiogalega.es e no noso Facebook.

CONTESTADOR AUTOMÁTICO: 981 540 530

Revista de información e entretemento conducida por Cristina García.

Comezamos cada Tarde con actualidade. Os temas máis comentados do día, as noticias máis relevantes ou os "trending topics" teñen cabida neses primeiros momentos de programa. A Tarde dános tempo tamén para deternos en asuntos que requiren ser tratados dende varios puntos de vista ou que precisan ser analizados en profundidade. A cociña, as novas tecnoloxías, o cine, a decoración ou os recordos doutros tempos chegan á Tarde da man de colaboradores como Marcus Fernandez, webmaster de codigocero.com, Xabier Picallo, director e autor teatral, Cristina Lorenzo, autora do blog kanelaylimon ou a decoradora María Moar. E non nos esquecemos da música. A Tarde está aberta á visita dos autores de música galega de calquera estilo.

Podes contactar co noso programa no teléfono 981 540 934, no enderezo electrónico atarde@radiogalega.es e no noso Facebook.

CONTESTADOR AUTOMÁTICO: 981 540 520

Clara de Saá conduce Convivir en igualdade, un programa diario de carácter divulgativo e contido social en que se falará de temas relacionados con discapacidades, adopcións ou acollemento familiar. Ademais trataranse os asuntos que lles atinxen aos mozos e aos maiores e farase un seguimento ás accións do voluntariado.

Cuestións relacionadas coa saúde, a inmigración e actualidade no campo social terán tamén cabida no programa, que contará ademais coa colaboración de expertos para explicar todas as dúbidas que demande a propia audiencia mediante chamadas, mensaxes, correo ordinario ou correo electrónico.

Podes contactar co noso programa no teléfono 981 540 974 e no enderezo electrónico convivirenigualdade@radiogalega.es.

O xornalista Luís Ojea encárgase do último programa informativo do día e, polo tanto, dun espazo fundamental en que teñen cabida as noticias máis importantes do día na súa integridade, cos seus antecedes e precedentes e, sobre todo, en clave de análise.

30 minutos de información deportiva directa, clara, dinámica... Todo o que necesitas saber do teu deporte favorito. As noticias no instante preciso, as entrevistas cos protagonistas, as opinións dos mellores especialistas. Todo en GnG con Raúl Villares.

O xornalista Luís Ojea encárgase do último programa informativo do día e, polo tanto, dun espazo fundamental en que teñen cabida as noticias máis importantes do día na súa integridade, cos seus antecedes e precedentes e, sobre todo, en clave de análise.

     Galicia en Goles edición noite, todo o deporte galego resumido en 60 minutos vivos, áxiles, polémicos, nos que se conxugan a información a opinión e o entretemento.

       O fútbol, con Deportivo e Celta á cabeza, é o referente dun programa no que teñen cabida tódolos deportistas equipos e discplinas deportivas de Galicia.    

      Ademais, tempo para o debate, as curiosidades e aspectos descoñecidos do noso deporte.

      Programa presentado por Roberto Carlos Carballo.

Milenio é un programa de temática especializada sobre os enigmas do pasado e do presente, que conduce Antón Rebollido. Aínda que o fío condutor sexa o misterio, todas as vertentes da chamada "cultura popular" teñen cabida neste espazo. Non existe no dial galego outro programa destas características que consiga mesturar en dúas hora de radio mitos, lendas, tradicións, costumes populares e paraciencias.

Nas súas dez temporadas en antena, Milenio nutriuse dun amplo espectro de colaboradores que achegan os seus coñecementos e experiencias nos máis variados campos: medicina natural, antropoloxía, exiptoloxía, parapsicoloxía, ufoloxía, historia ignorada...

Podes contactar co noso programa no teléfono 981 540 925 e no enderezo electrónico milenio@radiogalega.es .

Os éxitos musicais das tres últimas décadas. Esas cancións para escoitar e, por suposto, sempre situándoas no seu momento e lembrando anécdotas ou historias ocultas que teñan estas cancións. Con Moncho Lemos.

Podes contactar co noso programa no enderezo electrónico fondoreservados@radiogalega.es

Os oíntes deste programa conducido por Luís Rial comparten en directo a través do teléfono, nun ton distendido, experiencias persoais e opinións sobre todo tipo de temas.

Podes contactar co noso programa no teléfono 981 540 924, no enderezo electrónico pensandoenti@radiogalega.es

CONTESTADOR AUTOMÁTICO: 981 540 997