En Galicia están catalogados máis de 3.300 petróglifos, testemuñas gráficas dos homes e mulleres que habitaron o noroeste peninsular hai catro mil anos. A conservación e difusión deste enorme patrimonio, espallado por gran parte do territorio, é un desafío para toda sociedade.

Nesta reportaxe de Anxo Quintela e Chus Silva coñeceremos diversas experiencias para conservar e dotar de relevancia social aos achados arqueolóxicos ao aire libre por parte de comunidades de montes, asociacións e colectivos de diferentes partes de Galicia.