Galicia prepárase para conmemorar este ano o centenario da publicación da revista Nós, que daría nome á xeración da que formaron parte Castelao, Vicente Risco, Otero Pedrayo ou Florentino López Cuevillas. Nós converteríase entre 1920 e 1936 nun auténtico laboratorio de ideas desde o debate cultural e a creación artística para a construción de Galicia como nación no mundo.

Na seguinte reportaxe de Anxo Quintela analizamos o contexto en que naceu a revista Nós e achegámonos a algúns dos debates presentes nas súas primeiras páxinas.