CRTVG

Buscar

Zona Mixta

José Lorenzo, campión do mundo de motonáutica: "Eu levo o acelerador pisado todo o tempo, meu fillo sabe calmarme"

14/10/2021 - 15:49 h

Esta fin de semana celébrase en Baiona unha proba de motonáutica que ten triplo valor nesta disciplina. Vai ser o campionato de España deste deporte, a segunda das dúas citas das que consta esta tempada o campionato de Europa, e unha das tres probas que puntúan para o campionato do mundo. Isto último é o máis relevante porque nunca se celebrara unha carreira do mundial de motonáutica en Galicia.

E alí, competindo na casa, vai estar a familia máis motonáutica que temos en Galicia José Lorenzo e o seu fillo Yeray, campións do mundo hai tres anos, subcampións en 2019 e tamén con título europeo nas vitrinas. O pai, falounos de como vai ser e achegou anécdotas que fixeron sacar un sorriso máis dunha vez durante a entrevista:

"Fabricamos incluso para os nosos competidores, pero o barco faise exactamente igual... ao mellor a nosa embarcación corre un pouco máis... iso é como o secreto da receita dun prato que dominas".

"O noso é un deporte de certo risco, imos ata a 150 quilómetros/hora... algún amigo que vai na lancha agárrase a ela como se fose del".

Vou co fillo no barco. O atrevido son eu e Yeray pide calma. El ten licencia de piloto, pero non se pon ao volante, vai de navegante".

De luns a venres, ás tres da tarde, tes pase para entrar na Zona Mixta con Carlos Alonso