Falamos coa coruñesa Dolores Rojas, que forma parte do selecto club mundial de xuíces de marcha designados para os Xogos Olímpicos. Acaba de volver á casa, cun novo diploma, o terceiro xa, polo seu traballo en Toquio.

Cóntanos que, polo momento, a tecnoloxía non foi quen de substituír a observación dos xuíces e que o seu obxectivo, sempre, é protexer os que compiten dentro das normas. Non pode haber piedade cos tramposos.