Na sección de medicina con Ángel Carracedo falamos dos trastornos do espectro autista. Coñecemos o gran traballo que realizan as asociacións de apoio e tamén analizamos o incremento de casos nos últimos anos.

Entre as materias pendentes atopamos o apoio psicolóxico. Carracedo insiste na importancia do investimento en atención social por parte das administracións.

O doutor sinala que é vital a integración nos colexios, tanto para a persoa con autismo como para os seus compañeiros.