A Real Academia Galega de Ciencias distinguiu dous traballos das Universidades de Santiago e da Coruña nos Premios de Investigación 2020 nas categorías sénior e mozos. 

O premio outorgado a científicos sénior foi para os investigadores do CiMUS da Universidade de Santiago Diana Guallar e Alejandro Fuentes, polo seu descubrimento dunha ferramenta para a reprogramación celular, que abre as portas ao tratamento de enfermidades coma o cancro. 

Debemos seguir traballando, porque unha soa investigación ou descubrimento ten aplicacións en numerosas enfermidades.

Na categoría de investigadores mozos, menores de 30 anos, o gañador foi Raúl Santoveña, do CITIC da Universidade da Coruña, polo descubrimento dun novo tipo de estrelas ricas en fósforo. 

O fósforo é fundamental para a vida do ser humano. Pretendemos descubrir a orixe deste elemento.