Hoxe temos unha sección diferente de divulgación científica. Este espazo, habitualmente protagonizado por Ángel Carracedo, conta nesta ocasión con Julio Rodríguez. Neste 14 de febreiro, Día dos Namorados, analizamos o amor dende o punto de vista científico.

O amor é profundamente biolóxico. Impregna todos os aspectos das nosas vidas e inspirou innumerables obras de arte. O amor tamén ten un profundo efecto sobre o noso estado mental e físico. Hoxe vamos falar dos principios evolutivos e as interaccións bioquímicas con consecuencias psicolóxicas, fisiolóxicas e comportamentais que están detrás dun sentimento e dunha emoción tan poderosa como é o amor.