Begoña Ramos: delegada na Coruña da Asociación de Fiscais: "O problema é que antes foi ministra, e preocupa a posible independencia e imparcialidade nas súa decisións".

A Asociación de Fiscais, a maioritaria no sector e de perfil conservador, desconfía da proposta de nomeamento de Dolores Delgado como Fiscal Xeral do  Estado.

"Hai que garantir a independencia, e con ese nomeamento non é a forma mais axeitada de garantir a independencia do Ministerio Fiscal nas súas funcións", explicaba no 'Galicia por diante' Begoña Ramos, delegada da asociación na Coruña.

Segundo Ramos, "A cidadanía séntese moi preocupada pola independencia en termos xerais do poder xudicial en situacións coma a de Cataluña", e cre que a elección de Delgado non foi a máis adecuada: "O problema é que antes xa desempeñou un cargo, xa foi ministra, e preocupa a posible independencia e imparcialidade nas súa decisións".

Ramos lembra que o informe que emita o Consello  Xeral do Poder Xudicial sobre a súa ideoneidade non é vinculante para o Goberno pero non ve necesario de momento reformar o sistema de elección na Fiscalí Xeral do Estado: "Na reforma do Estatuto Organico do Ministerio Fiscal de 2007 puxéronse os mecanismos axeitados para que esas suspicacias podan ser paliadas, e con esta reforma esa independencia está garantida".