CRTVG

Buscar

Galicia por Diante

Teresa Peramato (Asociación Progresista de Fiscais): "O máis importante é que se rompa o cordón umbilical e o fiscal xeral sexa absolutamente autónomo"

14/01/2020 - 08:05 h

Teresa Peramato, presidenta da Asociación Progresista de Fiscais: "O máis importante é que unha vez se nomee, se rompa o cordón umbilical e o fiscal xeral sexa absolutamente autónomo e independente do Goberno".

A Asociación Progresista de Fiscais pide un voto de confianza para Dolores Delgado, a persoa proposta polo Goberno para asumir a Fiscalía Xeral do Estado.

A presidenta da UPF, Teresa Peramato, entende as reticencias pero pide darlle unha oportunidade: "Hai que deixala actuar, hai que ver como o fai; nós esperamos que o faga con lealdade á institución, á que pertence dende hai máis de trinta anos".

A presidenta da Unión Progresista de Fiscais recalca que "o Goberno non pode darlle ordes ao Ministerio Fiscal". Lembra que as relacións entrambas institucións "están moi taxadas" e espera que Dolores Delgado garanta a "autonomía indepencia do Ministerio Fiscal".

Nunha entrevista no 'Galicia por diante', Peramato matiza que unha vez sexa nomeada o importante é "que se rompa o cordón umbilical e que o Fiscal Xeral sexa absolutamente autónomo e independente do Goberno, e iso conseguiuse coa reforma do Estatuto Orgánico do Ministerio Fiscal de 2007". Con todo, a UPF advirte: "Se forse necesario facer críticas das súas actuacións, farémolo e actuaremos en consecuencia".

As claves informativas do día, con especial atención á actualidade de Galicia
Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí