CRTVG

Buscar

Galicia por Diante

Gonzalo Pérez Jácome: "A prioridade é que Gonzalo Jácome sexa alcalde de Ourense"

12/06/2019 - 08:11 h

Democracia Ourensana negocia tanto co PP como co PSOE co obxectivo de que o seu líder sexa o próximo alcalde de Ourense. A cambio, Gonzalo Pérez Jácome ofrécelle ao PSOE conseguir a presidencia da Deputación e ao PP, mantela.

A pesar de que en campaña electoral destacaba como prioridade desaloxar a Manuel Baltar da Deputación de Ourense, agora rexeita vetalo. Pérez Jácome destacou no Galicia por diante que o máis importante é a cidade de Ourense e a prioridade "que Gonzalo Jácome sexa alcalde de Ourense".

O líder de Democracia Ourensana rexeita a posibilidade de repartir a alcaldía de forma que a el lle correspondesen dous anos. Gonzalo Pérez Jácome entende que sería unha "chapuza" e sostén que, xa que están en xogo dúas institucións, o máis normal sería que un partido goberne no Concello e outro na Deputación.

Jácome asegura que ten que haber un Goberno de coalición na cidade, porque, segundo afirma, a única alternativa sería un executivo en minoría do PSOE. 

As claves informativas do día, con especial atención á actualidade de Galicia
Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí