Nunha entrevista na Radio Galega, o vicepresidente da Xunta advertiu que "cada vez temos menos marxe" para salvar a planta de Alcoa en San Cibrao: "Os prazos son moi curtos".

Alfonso Rueda asume que hai "un risco moi certo" de que a Xunta incumpra este ano o límite de déficit pola negativa do Goberno a transferirlle a totalidade dos 700 millóns que lle debe á comunidade.

O tamén líder do PP de Pontevedra di que "non renuncio a que moito voto que tivo Vox nas eleccións do domingo acaben sendo votantes do PP cando haxa eleccións autonómicas".