O teletraballo abre portas como a de poder estar a centos de quilómetros dunha oficina ou dos clientes. Moitas persoas ven aí a oportunidade de mudarse a lugares afastados e convertérense así en nómades dixitais. Con isto en mente, o serbio Edo Sadikovic e a galega María Rodríguez puxeron en marcha un proxecto de nomadismo dixital en Senderiz (Lobeira). O seu coworking ('Sende') recibe persoas de todo o mundo e por alí pasan de xeito itinerante traballadores de Netflix, Google ou emprendedoras.