CRTVG

Buscar

Diario Cultural

O Día da Ilustración conmemora a Federico Rivas

30/01/2019 - 10:30 h

O 30 de xaneiro é o Día da Paz, pero tamén da Ilustración, xa que é a data de nacemento de Castelao. Esta edición está dedicada ao ilustrador Federico Rivas.

O vigués Federico Rivas foi un pioneiro na dirección de arte no ámbito da publicidade, chegando a ser un dos grandes artistas da década dos 20 e dos 30.

Neste espazo cultural falamos con Bea Lamas, quen descubriu a ilustración buscando novos camiños profesionais. Alí atopou un mundo apaixoante e tamén descubriuse a si mesma.

"O artista ten que enfrontarse só ao papel en branco, pero logo o traballo sae ao mundo e está presente na nosa vida diaria", conta o ilustrador Santy Gutiérrez.

"Todo o que temos arredor é ilustración, o noso traballo é moi social", engade o experto.

Ambos recordan os seus inicios como ilustradores, unha paixón que foron descubrindo dunha forma moi natural nas súas vidas.

Nun día de celebración coma hoxe, a Cidade da Cultura e as bibliotecas galegas convértense no centro dun gran número de actividades relacionadas con este ámbito artístico.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí