Coa nosa nova colaboradora Luz Castro falaremos de videoxogos, e máis en concreto, do sector dos videoxogos en Galicia. Nestas semanas faremos un repaso polas diferentes iniciativas, eventos, empresas e títulos podemos encontrar.

Por exemplo, moita xente non saberá que temos moi preto un museo dedicado aos videoxogos. O MUVI, inaugurado en 2018 en Cangas, é o primeiro museo galego adicado ao mundo do videoxogo. Un espazo interactivo e divulgativo con máis de 2.000 pezas de hoxe e de sempre que abranguen 40 anos de cultura contemporánea onde podemos experimentar e probar as consolas e videoxogos máis relevantes da historia. Podemos facer unha viaxe no tempo dende a primeira consola comercial da historia –a MagnaVox Odyssey de 1972– ata as máquinas de última xeración.