O porteiro do R. C. Celta, Rubén Blanco, xogou 'Ao contraataque' para analizar a actualidade do equipo vigués 48 horas antes de se enfrontar ao Real Betis na xornada de peche da primeira volta de liga na Primeira División.

O gardameta recoñeceu que as sensacións dos tres últimos partidos non foron boas, mais amosouse confiado na reacción do grupo e en retornar á senda da vitoria este mércores fronte ao equipo sevillano.